قال الإعلامى أسامة كمال، إنه لا يبرر لأى إرهاب ولا للجماعات المتطرفة التى تدعى إنها إسلامية، لأنها جماعات مرضى ومخبولين مطلوب علاجهم أو بترهم، مردفاً:"اتكوينا بنارهم ولسة بنتكوى، وخيرة شبابنا راحوا مننا بسببهم، بس لازم نشوف المقدمات والنتائج كويس، ويمكن إحنا نكون شايفينها كويس".
وأضاف خلال برنامج مساء DMC: "إحنا الحقيقة فى كوكب كذّاب مليان أشخاص مش حقيقيين، ومواقف على المزاج وعادى مفيش جديد، مفيش جديد فى مواجهة الإرهاب، مواجهة صورية عشان تفضل القضية كارت إرهاب يترفع فى وش ناس وناس لأ؟ ليه؟ من غير ليه".
وتابع كمال: "المليار و800 مليون مسلم لازم يوقفوا مرة إيد واحدة ويصدروا قوانين ضد الإسلاموفوبيا الذى تحدث عنها فضيلة الإمام الأكبر الدكتور أحمد الطيب شيخ الأزهر الشريف اللى أدان الاعتدائين وحذر من انتشار الإسلاموفوبيا".
وأشار أسامة كمال، إلى أن مواجهة الإرهاب فى العالم صورية، موضحًا: "يحتضنوا الإرهابيين فى بلادهم ويعملوا عمليات ويستخدموهم ككارت إرهاب ضدنا".
تم أضافة تعليقك سوف يظهر بعد المراجعة