فى عيدك يا أمى بقولك بحبك
وبتمنى أعيش العمر فى حضنك
وأرجع صغير رضيعك وطفلك
وألعب معاكى وأنعس فى حجرك
حنانك وسهرك ودمعك وتعبك
علا مقامك وربى استجابلك
فى عز الليالى سهرتى لتعبى
أفتح عنيه ما شوفشى إلا صورتك
وأمسح دموعك وأرد الجميل
علشانك يا أمى مفيش مستحيل
أضحى بحياتى وأدعى لربك
يصونك يا أمى وأتعب لراحتك
سعادتى باديكى ودعوة بقلبك
تزدنى سعادة وكله لأجلك
بحبك يا أمى لقلبك وعطفك
ومسحك دموعى وبزعل لزعلك
فى ليلى تشيلى همى فى عقلك
ونومك قليل وفكرك فى ابنك
ورغم القساوة تضحى بسعادتك
فى عيدك يا أمى بقولك بحبك
فى عيدك يا أمى بكتب رسالة
لربى يصونك يزيدك جلالة
حنانك يا أمى مثيله استحالة
وخوفك وعطفك أكبر دلالة
فى عيدك يا أمى بقولك بحبك
