كشف الفنان شريف منير، عن فكرة برنامج "أنا وبنتى" الذى يقدمه مع ابنته أسما، عبر قناة ON E، كل خميس، موضحا أن فكرة البرنامج جاءت له عندما كان يهاتف ابنته تليفونيا، عندما كانت أسما تناقشه فى تلقيها لإحدى العروض وهى تشعر بالاستياء منه وعدم قبوله.
وقال شريف منير، خلال حواره مع الفنان أمير كرارة، ببرنامج "سهرانين" المذاع عبر قناة ON E: "قلتلها تعالى نعمل برنامج سوا، وهنسميه أنا وبنتى، ولقيت تعليقات مش حلوة من الناس علشان انها بنتى، لكن أنا لقيتها ناجحة فى السوشيال ميديا ومتابعينها كتير، وبعدين أنا أبوها وطبيعى لما ألاقى بنتى ناجحة فى حاجة لازم أساعدها".
وأضاف شريف منير، أن شخصية متوازنة مع أبناءه جميعا، وعندما يحضن أحدا فيهم يجب أن يحضن الباقى، كما أنه يعامل الجميع معاملة واحدة ولا تفرقة بين أحدا وآخر، مبينا أن والده كان شديد للغاية مع أبنائه.
وكشف شريف منير، عن قصة إرساله ابنته أسما إلى قسم الشرطة عندما كانت تبلغ من العمر 7 سنوات، قائلا "خدت مجلة مش بتاعتها من صاحبتها فى المدرسة، فخدتها على قسم مصر القديمة، وقابلت الظابط فغمزتله وقلتله اللى بياخد حاجة مش بتاعته بيروح فين؟.. فقالى بيروح السجن.. فقلتله ورينى السجن، وإحنا نازلين على السجن لقيت أسما منهاره خالص"، وتابع "لما كبرت قالتلى أنت يا بابا بتودينى السجن وأنا عندى 7 سنين، قلتها بتاخدى الحاجة اللى مش بتاعتك ليه.. قالت إطلاقا".
من جانبه قال الفنان أمير كرارة، إن ابنه سليم وضعه فى موقف مثل موقف ابنة شريف منير، عندما كان يصطحبه فى أحد المولات، وعندما دخل "محل ملابس" وخرج منه وجد سليم يرتدى "آيس كاب" وملابس غير التى أتى بها، وعندما سأله "دى الهدوم اللى جيت بيها يا سليم؟"، رد عليه ابنه قائلا: "لا أنا خدتهم وحلوين عليا".
