"إحنا مش ملايكة بس مستورين".. اعرف رأى الجماهير بعد اعتذار عمرو وردة

الخميس، 27 يونيو 2019 02:00 م

عمرو وردة

كتب هيثم سلامة

اضف تعليقاً واقرأ تعليقات القراء

من منا بلا خطيئة أو ذنب، لا يوجد أحد معصوم من الخطأ أو زلات اللسان، وكم تصرفنا بطريقة طائشة وأخطائنا فى حق أنفسنا، تلك كانت آراء وردود رواد موقع تويتر حول أزمة لاعب منتخب مصر عمرو وردة عقب "الفيديو" الذى اعتذر من خلاله للشعب المصرى.

اكتسب اللاعب عمرو وردة تعاطفا كبيرا خلال أزمته الأخيرة بعد فيديو الاعتذار، وفى الوقت نفسه لم يبرر جمهور "تويتر" خطأه، حيث انطلقت الكثير من الآراء عبر هاشتاج "على نعمة الستر"، للتحدث عن أزمته وقرار استبعاده من المنتخب المصرى.

فى ذلك الإطار، غرد محمود رضا قائلا "كفاية كلام عن عمرو وردة شوية يعنى خلاص كلكم بقيتوا أنبياء ومعصومين من الخطأ، هو الراجل غلط طبعا بس أنتم مش ملائكة يعنى لو دورنا وراء كل واحد هنلاقى بلاوى احمدوا ربنا على نعمة الستر".

وقال شريف حمودة "كسرة عينه اللى شوفتها فى فيديو الاعتذار، وقد إيه مش قادر يبص على الكاميرا والدموع فى عينه ويعتذر لملايين الناس وموقفه قدام نفسه وأهله وندمه أنه حط أمه وأبوه وأخواته فى موقف زى ده.. خلتنى اعرف إن عندنا نعمة كبيرة اسمها نعمة الستر الحمد لله على النعمة دى والله يكون فى عونه".

وغرد "على" قائلاً "وردة غلطان ماحدش يقدر ينكر ويستاهل العقاب طبعا بس إحنا بنتكلم عن الستر عموماً سواء كان وردة أو غيره، لأن كل بنى آدم خطاء وإحنا مش ملائكة والحمد لله على نعمة الستر".

ووصفت سلمى محمد قرار استبعاد اللاعب عمرو وردة من المنتخب المصرى قائلة "أزاى يا جماعة نبقى قاسيين كده مع ابن بلدنا بجد أزاى مفيش رحمة كده.. ده بدل ما نحمد ربنا على نعمة الستر؟.. ارحموا من فى الأرض يرحمكم من فى السماء، لمجرد بس أن أنتم مستورين مش أكتر على الأقل هو شاب ما شاء الله ناجح فى شغله.. حركة الاعتذار دى متطلعش غير من راجل بجد.. ربنا يهدى الجميع".

وغرد يسرى قائلاً "نحتاج إلى ملتزمى الصمت؛ لا يخوضون فى الأغراض ولا ينجروا إلى الشماتة، ويعلمون جيدا نعمة الستر ـ فلا يتتبعون عورات الناس، وإذا سمعوا صدفة أوقفوا التمادى فى الكلام وقالوا غفر الله لنا وله".

وأضاف محمود أسامة "ولا أى حاجة بس ربنا أمر بالستر ودى حياته الشخصية وربنا اللى هايحاسبه على أخطائه مش احنا اللى هانحاسبه وربنا ما يكتب على حد الفضيحة لأن دى أسوء شىء والحمد لله على نعمة الستر".

يذكر أنه كان قد كشف مسئول بمجلس إدارة اتحاد الكرة أنه تم سحب الخطاب المرسل للاتحاد الأفريقى باستبعاد عمرو وردة من معسكر الفراعنة المقام حالياً بالقاهرة لخوض منافسات بطولة أمم أفريقيا 2019 التى تستضيفها مصر حتى 19 يوليو المقبل.