مع بدء أول امتحانات الثانوية العامة غدًا، ينتاب بعض الطلاب حالة من الخوف والفزع من عدم التوفيق فى الثانوية العامة، حيث يعتبرونها نهاية المطاف وما يترتب عليها من مستقبل مهنى فى الفترة المقبلة.
غرد العديد من مستخدمى "تويتر"، عبر هاشتاج الثانوية العامة، حيث يرون أنها ليست نهاية العالم، قال محمد أيمن: "نصيحوة لطلاب الثانوية العامة.. أقسم بالله الثانوية العامة ما نهاية العالم.. لو جبت ١٠٠٪ مش هتطلع الفضاء.. سواء دخلت كلية من اللي بيقولوا عليهم قمة دول أو لا.. الكلية مش هتعملك قيمة.. قيمتك في شخصيتك وعقليتك.. عمرها ما كانت في تعليمك..ربنا يوفقكم يا رب".
تغريدات حول الثانوية العامة
وفى نفس الإطار، غرد محمد سمير: "رجالة الثانوية العامة لازم تفهم أن دي أول فرصة في العمر عشان تبقى شيء نضيف فى السباق اللي بنعيشه في مصر واتربينا عليه لكنها مش آخر فرصة! عافر واستغل الفرصة عشان هي مش نهاية العالم والعمر هيعرض عليك فرص كتير بعدها لكن هتبقي صعبة الاستغلال.. ربي يسدد خطاكم!".
مغرد استغلوا الفرصة كويس
ويرى محمد الزغبى، أن مرحلة الثانوية العامة أولى الخطوات تجاه المسئولية ولكنها فى نفس الوقت ليست نهاية العالم، قائلاً: "أنا عارف إن الثانوية عامة مش نهاية العالم، وإنها البداية وإنها أبسط مرحلة فيما يأتي بعدها، ومش هي لوحدها مقياس للذكاء أو للشطارة والكلام إلى كلنا عارفينه وبنقرأ كل سنة وحافظينه، بس في حاجة، الثانوية العامة هى أول مسئولية حقيقية بيواجهها الشخص في حياته".
أما مصطفى، يطالب طلاب الثانوية العامة بعدم حكم الشخص على نفسه من خلال توفيقه أو عدمه فى امتحانات الثانوية العامة، قائلا: "عايز أقول لطلبة الثانوية العامه والله العظيم دي مجرد مرحلة مش نهاية العالم ومتحكمش على نفسك من خلالها حرام ياجدعان الناس اللي بتنتحر عشان فشلت فى الثانوية".
وتؤكد نادية أنها ليست نهاية حياة الشخص وأنها تحدد مستقبله، قائلة: "مع اقتراب أمتحانات الثانوية العامة تحب تقول أيه؟ ذاكروا واعملوا كل اللي عليكم، ومتقلقوش أى كانت النتيجة هى مش نهاية العالم.. المهم أنكم بذلتم ما في وسعكم، ربنا يوفقكم جميعًا ناس كتير بتدخل كليات بمجموع كبير وبعد كده بيغيروا مسارهم المهني لأنهم مش حابه".
وغرد مبروك قائلاً: "الثانوية والله يا جماعة مش هتحدد مستقبلك مهما كانت النتيجة ربنا إن شاء الله هيكتبلك مستقبل حلو.. كنا فاكرين كده ودخلنا الجامعة وعرفنا مش بتفرق وإن الكل يقدر يكون ناجحًا في مجاله، واللى اتخرج من صحابنا عرف إن الجامعة مش بتفرق وإن الكل بينجح في اللي حاجة اللي بيحبها".
