يااللى واقف تحمى بلدك
على الحدود والليلة عيد
كنت مستنى اجازتك
كنت فرحان بيها وسعيد
تتصل بامك وتحكى
جاى يا امى أقضى عيد
شلت هم تحمى بلدك
جاى لاهلك من بعيد
جاى تشوف ابنك وبنتك
جاى تلبسهم جديد
واشتريت اللعبة لابنك
والعيدية دا شىء اكيد
جاى لاهلك اللى كانوا
مستنيين تصلوا العيد
جوم عصابة من الصهاينة
قتلوك وبقيت شهيد
ظلموا ابنك اللى كان بيحلم
تشوفه باللبس الجديد
قتلوا فرحة في روح بريئة
دول قلوبهم ماتت اكيد
قتلوا فرحة في شعب باكى
نسيوا ان الليلة عيد
دول اكيد ما يخافوا ربك
دول اكيد عاشوا عبيد
دول مصيرهم نار جهنم
وانت في الجنة شهيد
تم أضافة تعليقك سوف يظهر بعد المراجعة