مأساة مواطن يعانى من مشاكل خدمية بالقومية العربية

الثلاثاء، 30 يوليو 2019 05:00 ص

شارع القومية العربية

محمد فهيم عبد الغفار

اضف تعليقاً واقرأ تعليقات القراء

مأساة مواطن يعانى من مشاكل خدمية بالقومية العربية

أرسل القارئ هيثم سامى يشكو الى صحافة المواطن باليوم السابع من تراكم القمامة بمنزل الكوبرى الدائرى بالقومية العربية امبابة .

وقال القارئ فى رسالتة : من فضلكم احنا بنعيش مأساه بكل معنى الكلمه فى شارع القومية فى امبابة الشارع حاليا مقفول عشان مشروع مترو الأنفاق، مشروع هايل ورائع وربنا يوفق حكوتنا فى كل المشاريع القومية.

بس للأسف الشارع طبعا حاره واحده ذهاب وعوده ومفيش اى رقابه سواء فيما يخص المرور أو النظافة إحنا عايشين حياه صعبه بسبب سواقين الميكروباص والتكاتك الى بيدخلو عكس الاتجاه رغم انو حاره واحده , وعند الملف الى فى نص الشارع عند تقاطع شارع عشره عند بنزينه الغاز , الميكروباص بيقف يحمل ويقفل الشارع تماما والعربيات بتقطع الشارع بالعرض ويدخلو عكس والمسافه من الدائرى للمكان ده بتاخد اكتر من ساعه , ده غير البلطه والشتيمه ومحدش يقدر يتكلم ولما حد يتكلم من غلبو وزهقو يتشتم بأفظع الشتايم ويتكسر عربيتو وده الى حصل معايا , ده كمان غير بتوع الزباله الى عملو مستعمرات بمعنى الكلمه خيم وكراسى وكنب فى وسط الشارع وبيفضو الزباله فى الشارع وينبشو فيها حاجه فى منتهى القذاره والصعوبه , ده غير القهاوى الى واخده نص الشارع لحسابها ولا اكنهم شايفين مهازل فى الطريق , بدون استعنا بالناس وظروفهم , انا للاسف ابنى مريض سرطان وبسبب المعناه الى عايشنها فى القوميه حياتى بقت مشتته ومش عارف ققعد فى بيتى بسبب التلوث من الزباله وبسبب التأخير فى الخروج من الشارع فى حاله تعب ابنى وذهابه الى المستشفى ارجوكم ارحمونا وارحمو انسانيتنا مش محتاجين غير رقابه لو فى بس شرطه مرور تقف كل ده مش هيحصل وكمان متابعه للقهاوى وازالتها من الشارع وازاله نباشى القمامه ومستعمراتهم اسف للاطاله ارجو الرساله توصل للمسؤلين وشكرا .

شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء

كما تتيح خدمة صحافة المواطن إمكانية أن يطلب القراء من فريق "اليوم السابع" تغطية حدث أو التحقيق فى مشكلة تصادف أحد القراء أو قضية تهم قطاع من المواطنين أو للكشف عن نقص فى الخدمات، أو نشر شكوى أو استغاثة، أو تصحيح خبر او معلومة على الموقع، أو إرسال فيديوهات أو صور لحدث تواجدتم فيه وسيتم نشرها باسمكم على اليوم السابع.

ويجدد "اليوم السابع" دعوته لقرائه الأعزاء، للمشاركة بشكواهم ومشاكلهم، من خلال تطبيق الواتس آب، على رقم 01280003799، خدمة "شكوتك بصوتك" لتسجيل شكاوى المواطنين بالصوت والصورة ويتواصل محررو "اليوم السابع"، مع القراء مباشرة فى أماكن متفرقة بالقاهرة والمحافظات، من كل أسبوع، للاستماع إلى شكواهم وتسجيلها لنشرها على الموقع الإلكترونى.