أحمد فلوكس يفضح محمد على: نصاب وحرامى وخولت له نفسه الوقيعة بين المصريين

هاجم الفنان أحمد فلوكس، الفنان الهارب محمد على، لافتا إلى أن محمد على خولت له نفسه محاولة الوقيعة بين الجيش والشعب، وأن هناك من علق آماله على هذا الفنان الهارب، وأنه فى حالة الحرب لن نجد محمد على وأمثاله الذين يهاجمون جيش بلادهم.

وأضاف الفنان أحمد فلوكس، خلال فيديو نشره عبر صفحته على "فيس بوك"، أن معظم الدول بها مشاكل مثل السعودية والإمارات وحتى الدول الأوروبية بها مشاكل، متابعا: "اللى بيهاجموا البلد دول عيال صغيرة مبيعرفوش سياسة أصلًا.. دول مبيعرفوش يدخلوا الحمام ويطشطفوا.. وفاكرين أن الشطارة فى أنهم يشربوا سجاير ويعاكسوا البنات.. حتى أخلاق المصريين أنتوا متعرفوش حاجة عنها".

وتابع الفنان أحمد فلوكس مهاجما محمد على: "ده نصاب وحرامى وهربان بالفلوس بره.. ولو هو دكر يجى هنا يقول الكلام من هنا.. ده مش راجل.. بتتكلم عن الناس الغلابة.. تعالى ورينا نفسك.. أنا بمثل من 18 سنة.. محدش يقولى بطبل.. وبقالي سنتين بشتغل 100 شغلانة ومابتكلمش.. أنا معملتش غير مسلسل "الاب الروحى" وفيلم "الممر" إللى أجره مياكلش ابنى أصلا".

وقال الفنان أحمد فلوكس، الهارب محمد على دفع 27 مليون وتعرض للنصب فى 20 مليون من أجل أن ينتج لنفسه فيلما واحدا، بعد تخطيط 8 سنوات، لافتا إلى أنه يعمل فى التمثيل منذ 19 عاما ولم يستطيع أن ينتج لنفسه فيلما واحدا مثل الهارب محمد على، قائلا: "أنت بتتكلم فى رزق.. وعايز ربنا يكرمك إزاى.. وأنت بتسرق وبتحشش وبتزني وربنا هيكرمك".

وأوضح الفنان أحمد فلوكس، قائلا للهارب محمد على: "أنت راجل عندك شركة مقاولات كبيرة عملت بيها إيه للناس الغلابة.. بنيت لهم بيوت ولا أكلتهم ولا شربتهم.. بلاش صياعة إحنا عارفين بعض عايز تعمل دكر تعالى هنا ورينا تعالى للغلابة اللى أنت بتستخدمهم لما هربت".