علّق الإعلامى يوسف الحسينى، على تسريب صوتى، للهارب محمد ناصر، وصف فيه أيمن نور، مالك قناة الشرق الإرهابية، بأنه مختل عقليا، و"يأخذ ملايين المليارات"، قائلاً:"بيظهر هم بيبصوا لبعض ازاى، بيحتقروا بعض بس طالما فيه فلوس الدنيا ماشية".
وأضاف الحسينى، خلال لقائه بفضائية "extra news"،: "ناصر بيقول القناة بتاخد 30 مليون دولار، السؤال: القناة بتاخد الفلوس دى من مين؟، موضحاً: "أى حد هيشوف قناة مكملين اللى بيطلع عليها محمد ناصر، مفيهاش عائد إعلانى، وبالتالى مفيش عائد يساوى رقم 30 مليون دولار، يعنى فيه حد بيدفع الفلوس دى للقناة".
وتابع الحسينى: "دى مغارة لصوص، وفيه صفقة ما تحدث، المكالمة كلها فيها حاجة غلط"، مردفاً:" عاوز حد يصدق إن دا راجل بتاع مبادئ ولا بتاع ثورة".
ونشرت الزميلة "صوت الأمة" تسريبا صوتيا للهارب محمد ناصر، وصف فيه أيمن نور، مالك قناة الشرق الإرهابية، بأنه مختل عقليا، و"يأخذ ملايين المليارات"، حيث حصلت على مكالمة مسربة تجمع الإرهابى وشخص آخر يتفقان خلالها على الأموال اللازمة من أجل مواصلة هجومه على الدولة المصرية ومؤسساتها.
تم أضافة تعليقك سوف يظهر بعد المراجعة