وائل الإبراشى يسقط الأقنعة بـ"كل يوم"..يعرض شيكات تقاضاها حسن نافعة من قناة الجزيرة.. ويؤكد:منصات الإخوان فى قطر وتركيا تدعو للإرهاب وإشعال الفتنة.. ويبث تسريبات لإخوانى يسب الشعب المصرى وتكشف يأس جماعة الإخوان

تناول برنامج "كل يوم"، الذى يقدمه الإعلامى وائل الإبراشى، على فضائية "ON E"، عدة موضوعات على رأسها، كشف الشائعات والأكاذيب التى يبثها إعلام الإخوان.

وائل الإبراشى: منصات الإخوان فى قطر وتركيا تدعو للإرهاب وإشعال الفتنة

قال الإعلامى وائل الإبراشى، إن هناك منصات تطلق الشائعات والأكاذيب، مشدداً على ضرورة تفنيد الإدعاءات والرد على الأكاذيب، لنظهر تكتل الشعب المصرى وتماسكه فى مواجهة لحظات من هذا النوع، مؤكداً أن منصات الإخوان فى قطر وتركيا تدعو للإرهاب وإشعال الفتنة.

وأوضح الإبراشى، أنه لاحظ على شاشات الجماعة الإرهابية، بأن هناك حالة من التهليل بأن هناك إجراءات متعلقة بالرئيس الأمريكى دونالد ترامب لمحاسبته وعزله، فى اعتقاد منهم أن مجئ الديمقراطيين هو نهاية لنظام الحكم فى مصر.

وعلق ساخراً:" الحقيقة مش فاهم، هو يوم الجمعة اللى هينتهى فيه النظام بسبب الحراك الشعبى، ولا انتو مستنيين لما يجى الديمقراطيين فى الولايات المتحدة الأمريكية لإنهاء النظام، شوفوا حالة البلبلة والإفلاس والسقوط بهذا الشكل".

وتابع: "احنا قمنا بثورة 30 / 6 فى ظل وجود الديمقراطيين فى الولايات المتحدة الأمريكية، وأقمنا دولة المؤسسات ونجحنا فى فض اعتصامى رابعة والنهضة، وواجهنا الإرهاب، ونجحنا فى إقامة مشروعنا الوطنى".

وائل الإبراشى: الجزيرة لا تستطيع نقل مظاهرات ضد الرئيس التركى أمام الأمم المتحدة

قال الإعلامى وائل الإبراشى، إنه حضر كل اجتماعات الجمعية العامة للأمم المتحدة، ودائماً تكون هناك مظاهرات أمام الجمعية العامة للأمم المتحدة، وأكثرها حدة مظاهرات الأكراد ضد الرئيس التركى، وكذلك الرئيس الإيرانى، ولكن لا يمكن أن تنقلها قناة الجزيرة.

وأوضح أن قناة الجزيرة تركز فقط على بعض المتظاهرين الذين تحشدهم جماعة الإخوان أمام الجمعية العامة للأمم المتحدة، مشيراً إلى أن مظاهرات من كل نوع أمام الجمعية العامة للأمم المتحدة لأن بعض القوى الشعبية ترى أنها مناسبة للتظاهر، مردفاً:"لا يمكن لقناة الجزيرة أن تتناول أى مظاهرات تانية والتركيز فقط على الخمسين شخص الذين تحشدهم جماعة الإخوان وتظهر ذلك بشكل دائم".

وتابع الإبراشى: "القضية بشكل واضح، الجزيرة لو هى وسيلة إعلامية، تأكد أنها ليست وسيلة إعلامية، ولكنها منصة إرهاب لنشر الفوضى فى العالم العربى، وتركز بشكل واضح مع مصر هذه الأيام، ودا شغل التنظيم الدولى للإخوان".

وأردف: "عشان كده ما أثرته بالأمس فيما يتعلق بالدكتور حسن نافعة أستاذ العلوم السياسية وواحد من المعارضين اللى بينتمى للتيار المدنى، وما أثرته بقضية السقوط فى مستنقع الشيكات والفلوس، لأنه مش عاوز شباب بيدفع التمن وناس تانية بتقبض التمن عشان الناس تشوف أن بعض الصيحات اللى بنشوفها، وبعض الكلام اللى احنا بنشوفه مدفوع الأجر".

وائل الإبراشى يعرض شيكات تقاضاها حسن نافعة من قناة الجزيرة

عرض الإعلامى وائل الإبراشى، شيكات تكشف تقاضى الدكتور حسن نافعة أستاذ العلوم السياسية، أموالاً من قناة الجزيرة، من بينها شيك قيمته 10965 ريالا قطريا، وإخطار بمبلغ ألف دولار من قناة الجزيرة.

وأشار الإبراشى، إلى أنها عملية شراء قناة الجزيرة لبعض السياسيين، ومع كل حدث فى مصر تهاجم وتمارس عمليات تشويه، لأنها ليست قضية ألف دولار دخل للدكتور حسن نافعة، فهناك حالة الإذلال لا يجب أن تتناسب مع شخص يتحدث عن مبادئ.

وتابع: "يبقى دى مش مواقف مستقلة، وانت بتاخد من مين هنا، وتقدر زى ما انت بتوجه الإهانات للجيش المصرى تقول كلمة عن القواعد العسكرية الأمريكية فى قطر"، مردفاً:"دا مقابل إنك تهد مصر وتلعن فى مصر وتقزم الجيش، والجيش أكبر من أن يقزم، وتحرض وتشعل الفتنة بهذا الشكل".

الإبراشى كاشفا تناقض حسن نافعة:يهاجم مشروع قناة السويس ويشترى شهاداتها

كشف الإعلامى وائل الإبراشى، تناقض الدكتور حسن نافعة أستاذ العلوم السياسية، موضحاً أن نافعة يهاجم مشروع قناة السويس، وفى نفس التوقيت يشترى شهاداتها، عارضاً كشف حساب بذلك.

وأضاف الإبراشى،: "حسن نافعة واخد فى شهادات قناة السويس لأن فايدتها كبيرة، ليه التناقض ده، ما انت بتهاجم قناة السويس وبتقول إنها ترعة وأهدرت أموالاً، وفى النهاية بتروح تاخد شهادات فيها عشان الفايدة الكبيرة".

وتابع الإبراشى:"أسقطلك أقنعة ناس بتكسب فلوس على دمك، وناس عاوزة تاخد فلوس على سنين عمرك، وتدخل تصطدم بأجهزة الولة، وتدخل سجن، يعنى انت تدفع تمن وهو يقبض تمن"، موضحاً: "الهجوم على قناة السويس لأن الجزيرة والإخوان عقدهم معاك كده".

وائل الإبراشى: "محمد على أتفه من إنه تسمى باسمه مظاهرات أو دعوات"

قال الإعلامى وائل الإبراشى، إن الرئيس عبد الفتاح السيسى يتعرض وأسرته لانتهاك بشكل مكثف، ومع ذلك الدولة لن تأخذ هذا المنهج، من الدخول فى العائلات والأسر، وما أكثر الأدوات المتعلقة بذلك.

وتابع الإبراشى: "هنحارب بمبادئنا، زى ما انتصرنا فى ثورة 30 يونيو، هنكملها، واللى بيحصل دا هو موجة تانية لما بعد اعتصامى رابعة والنهضة، لأن المنصات اللى كانت موجودة تدعو للإرهاب بدل من رابعة والنهضة، موجودة فى قطر وتركيا".

واستطرد: "لو كانت مظاهرات من يستخدمون محمد على، هو دا التعبير الدقيق، مفيش حاجة اسمها مظاهرات محمد على لأن محمد على دا أتفه من إنه تسمى باسمه مظاهرات أو دعوات.

الإبراشى يعرض تأشيرة حسن نافعة إلى قطر تثبت: "فى مهمة رسمية"

عرض الإعلامى وائل الإبراشى، تأشيرة الدكتور حسن نافعة أستاذ العلوم السياسية، إلى قطر، والتى تثبت أنه فى مهمة رسمية.

وقال الإبراشى،: "التأشيرة بتيجى من وزارة الداخلية، أى تأشيرة بتاخدها من السفارة القطرية، لكن التأشيرة الرسمية من وزارة الداخلية القطرية، هو انت بتتعامل مع وسيلة إعلامية وتقول الراجل بيقول كلمتين على الشاشة ومن حقه ياخد فلوس، مش بتقول كلام من أجل الوطن".

وتابع: "أومال انت بتحاكم محمد مرسى ليه فى تهمة التخابر، لأن كل أوراق ومستندات الدولة راحت لقطر وقناة الجزيرة، لأنهم مبيفهموش فى سيادة الدول، لأنه لا يقتنع أن الدول لها حدود وسيادة وفيه جيش يحمى ده".

وأدرف: "دا موظف رسمى عند التنظيم الدولى للإخوان عند المخابرات التركية، لأن مجموعة من البرامج والمكالمات كلها لتشويه الوضع فى مصر واستهدافها".

وائل الإبراشى يعرض تسريباً لإخوانى يسب الشعب المصرى

عرض الإعلامى وائل الإبراشى، تسريباً صوتيًا لأحد أعضاء جماعة الإخوان الإرهابية، يسب فيه الشعب المصرى بأبشع الألفاظ.

ويأتى نص التسريب كالآتى: "ما الشعب الوسخ دا هو اللى رقص ع الجثث بتاعتك.. شعب جبان لو حس إن انت عندك قوة هيقف ع الحياد، يعنى مش هيعاديك".

وتابع التسريب: "أقل حاجة يقولك اتصافوا مع بعضيكم، بدل ما بيبلغ عنك ويعمل فيك، ويسوى، الدنيا يا حسام..".

الإبراشى يعرض تسريبا للإخوان يتبادلون الاتهامات بالجبن وادعاء البطولة

عرض الإعلامى وائل الإبراشى، تسريباً للإخوان يتبادلون الاتهامات بالجبن وادعاء البطولة.

ويأتى نص التسجيل كالآتى: "يا جبان يا وسخ دا انت صورتك الحقيقية خايف تحطها ع البروفايل بتاعك..، ويرد الآخر: عمال تشتم وعمال تعمل وإن الله وإن مش عارف ايه..، الإخوانى: وساعة الجد دا انت صورتك يا وسخ خايف تحطها ع البروفايل..، فى مننا ناس تبع الشرعية لكن خايف جبان ودا شئ طبيعى.. لكن أهم حاجة المبدأ..، هو الجبن ما الجبن وارد يا افندم فى كل مكان وفى كل زمان، أنا مبقولكش متكونش جبان".

وأضاف التسجيل:"ورد الآخر: بس أنا أسف متكونش جبان ومستخبى تحت السرير، وتحت السرير فى عمارة وفى شقة وعايش فى بلد تانية، وتيجى تقولوا.. يقولك ولو أن الشهداء وأن مش عارف ايه.. طب يا ابنى الناس دول بيتعذبوا فى السجون، انت لا تعلم أن الله لا ينصر المش طب انت طالما الله لا ينصر طب ما تعلن عن نفسك يا وسخ بقى.. لا يا أخى أيكون المسلم جبانا قال نعم.. أيكون كاذبا قال ايه.. ده شغل العبط والاستهبال ده".

وتابع التسجيل الصوتى: "هى دى المصيبة بص البداية عندنا هنا فكنا بنقول يا جماعة الجيش شاكك دا فى البداية هو مش عارف أيه محدش سمع طبعا كانوا في شوية شكلهم كده اخوان أو ينتموا للتيار الإخوانى أو مقربين من الأإخوان محدش يعرفنى لسه ولا أنا أعرف حد.. اللى كانوا بيمسكوا المظاهرة وبنشتغل بيقولك خلاص روح اشتغل، شوف المظاهرة ايه ناقصها يا بهجت واقرص عليها فاهمنى وعوضتوا دى شوف ناقصة ايه تانى واقرص عليها سيبهم بقى يديروا زى ما يديروا على الأقل انت اشتغل شغل الفواعلية اللى محدش منهم هيشتغلوا، ولكن اكتشفت بقى المصيبة أن هو مش مختفى بقى كده".

وأردف التسجيل: "لا دا فى بعض منهم مستخبى وبيقود العمل، وهو ده يعنى، ف انت حضرتك فى ثورة لا انت زعيم ولا ليك ثقل سياسى، ما هو اللى يجي يقولك ايه الثورة لو ليها قائد يبقوا خايفين ع القائد بس معروف مين هو القائد لكن مخبيينه عشان ميقتلهوش ميغتالهوش، لكن انت لامؤاخذة محصلتش الشبشب اللى انت لابسه، ومش عاوز الناس تشتغل ولما تيجى الناس تشتغل بأسلوب ثورى يقول لا أصل هيقولوا علينا شعب ايه، العالم عملنا فيه ايه، دا انت بثورة ضد نظام دا العلم بتاعه".

الإبراشى يعرض تسريبا صوتيا للإخوانى بهجت صابر يؤكد: مرسى ليس قائد ثورة

عرض الإعلامى وائل الإبراشى، تسريبًا صوتياً للإخوانى الهارب بهجت صابر، يؤكد خلاله أن مرسى ليس قائد الثورة.

وقال بهجت صابر فى التسريب الصوتى: "تعمل ايه لمرسى عشان تخرجه من السجن، تعمل ايه عشان تخرج المعتقلين، كل واحد يقولك زعيم الثورة هو مرسى، طيب على أى أساس، إدينى أمارة طيب".

وعلّق الإبراشى قائلاً:"فيه الكثير من ده وغيره، ومطلوب الآن إسقاط الأقنعة، ومواجهتهم، هو بيشتم بس انت واجهه بالوثائق والمستندات، على فكرة التافه محمد على دا مامعهوش وثيقة واحدة، وانت تواجهه بالوثائق والمستندات بتسجيلاتهم وحواراتهم، ودا من داخلهم".

الإبراشى يعرض تسريباً صوتياً يكشف يأس جماعة الإخوان

عرض الإعلامى وائل الإبراشى، تسريباً صوتياً يكشف يأس جماعة الإخوان الإرهابية.

ويأتى نص التسريب الصوتى كالآتى:"انت شايفهم يا محمد شغالين؟.. ويرد الآخر:  بقى خلاص خلصت، ويستكمل: الإخوان أنا بتكلم ع الإخوان أنت عارفهم بقى الإخوان، ايه التعليمات بتاعتهم خلاص خلصت، ويرد: كل سنة وانت طيب بقى".

وتابع التسريب: "مين قال كده يا محمد بس.. ايه يا محمد دا انت لو مخبر فى أمن الدولة مش هتقول الكلام ده يا محمد مين قال القضية انتهت يا محمد، دا كلام بس يا حبيبيى، ظروف، ويرد الأخر: مين اتصل بيك مؤخراً يا افندم؟، ويرد: سعيد كلمنى والبغدادى، ويرد: كلموك ليه طيب لما القضية انتهت، ويستكمل: والشيخ عبد الحليم كلمنى، والأخر: آخر مرة كلمتك منى بغدادى امتى؟، ويرد: والله كلمتنى النهاردة، ويعلق: مكلمتنيش يعنى؟، هى منى بغدادى مبتسمعش الكلام بتقاوح، ويرد:"طبعا احنا لازم احنا اللى نسمع الكلام".

ثروت الخرباوى: من نزلوا فى السويس والإسكندرية أهالى المحبوسين من الإخوان

قال ثروت الخرباوى القيادى السابق بجماعة الإخوان، إن الإخوان يريدون أن يثيروا حالة فتنة وقلق وتوتر فى الشارع المصرى، موضحاً أنه عندما يكون هناك حالة توتر وتنتشر الشائعات يحدث خوف وترقب.

وأضاف، أن الإخوان قاموا بتجربة اختبارية بالدفعة الأولى، قائلاً:"ليس من رأى كمن سمع، واللى يقدر يكلمك اللى عاش جوه التجربة الصح"، موضحاً أن هناك عدة آلاف من شباب الإخوان ارتكبوا جرائم عبر السنوات السابقة وحوكموا وبعضهم محبوس على ذمة الأحكام التى صدرت وآخرين محبوسين على ذمة قضايا محل تحقيق.

وأوضح أن المحبوسين لهم أهالى، يسميهم "تنظيم الأهالى"، الذين نزلوا فى الإسكندرية والسويس، مشيراً إلى أن جماعة الإخوان منظمين، ولم ينتهى تنظيمهم الخاص المسلح المدرب على الحركة فى الشارع.