عمرو أديب: "ترامب بيعقد تأشيرات الحوامل علشان الأطفال ما تاخدش الجنسية"

قال الإعلامى عمرو أديب، إن الرئيس الأمريكى دونالد ترامب وضع إجراءات مشددة على تأشيرات الحوامل.

وأضاف خلال برنامجه الحكاية على قناةmbc مصر: "كان فى ناس كثيرة من دول العالم بتروح تولد فى أمريكا علشان تاخد الجنسية واتقال إن السنة اللى فاتت فى 33 ألف مواطن ولدوا فى أمريكا أخدوا الجنسية وفقا للدستور الأمريكى اللى هو مش بيتغير والحاج أبو حنان "يقصد ترامب" مصمم إن الناس اللى بتيجى وتاخد فلوس ونصرف عليه تعليم وصحة ما تدخلش علشان هو مش بيحب المهاجرين، وهو بيعمل حاجة اليومين دول وبيقول إن اللى اتولد فى أمريكا مش هياخد الجنسية".

وتابع أديب:"أى راجل وست هيروحوا سفارة علشان ياخدوا فيزا والمدام حامل هيتم منعها وحجب الفيزا، وده الفلتر الأول، وهيبدأ يحط إجراءات وإذا سافرت الحامل قبل أن تظهر عليها علامات الحمل كده هتضطر إنها تقعد بتاع 4 أو 5 شهور، ووضعت فى أمريكا لابد أن تجلس فى أمريكا مدة طويلة بعد الولادة".