قال الفنان كريم عبد العزيز خلال لقائه ببرنامج صاحبة السعادة مع الفنانة إسعاد يونس: أنا خارج من بيت مخرج كوميدى وعم مخرج والضحك أصعب أنواع الفن، سمعت من أبويا، والأستاذ فطين عبد الوهاب ده كان لواء فى الجيش.
وأضاف: أنا بحب القفشة كل الأصدقاء والأسرة وكمان الأستاذ عادل إمام كلهم أثروا فيا والكبير محمود عبد العزيز، الذى كنت أذاكره كثيرا صاحب الوجه الحسن، عاوز أعمل المشبوه وانتخبوا الدكتور سليمان عبد الباسط، بداية ونهاية لو اتعمل النهاردة هيكسر الدنيا، أنا بقطع النفس من كثرة الضحك فى فيلم غبى منه فيه.
وتابع: إحنا عندنا تاريخ كبير وأساتذة كبار، دور محمد رجب فى الباشا تلميذ فى أول يوم تصوير كان ممثل آخر، وقالولى إنه مش جاى، وقتها محمد رجب كان بيعمل مسلسل إذاعى واتصلت بيه وقولتله عاوزينك فى فيلم وجه قابل المنتج والمخرج واتفق وصور فى نفس اليوم وعلاقتى بيه من قلبى، أنا بحب اتفرج على مشهد الخطوبة فى فيلم الباشا تلميذ.
وأكد أن أول فيلم نجح فيه هو حرامية فى كى جى تو، أما فيلم عبود على الحدود فكان هو وأحمد حلمى سنيدة للفنان الراحل علاء ولى الدين.
تم أضافة تعليقك سوف يظهر بعد المراجعة