لو ينفع ادخل جوّا الكلام،
وأخلى الحروف تُرفض تِنام،
عشان أعبر عن جمالك،
كنت هاعمل
لو ممكن أطّول نص الليل،
واخلّى النص التانى يطُول،
عشان يسرّحنى ف خيالك ،
كان هايحصل
لو ياخد القلب مجرى العينين ،
وتاخد العينين قلبى الحنين ،
جايز احس بحبك اكبَر ،
كنت هاقبل
ولو ياخد القلب مجرى اللسان ،
واجرّى الحنين جمب الكلام ،
عشان احس بسحرك اكتر ،
هبقى أفضل
لو تعرفـى ايه الى بيخلينى أبوح ،
واقول كلام محشور ف الروح ،
عشان اعبـرلك عن مشاعرى ،
هاتقولى شِعري
لو يعرفوا يحسّوا ربع حنينى ،
أو يوصفوا يقولوا تُمن كلامى ،
هوقّف قلبى و قلمى وكمان ولسانى ،
لان القلب على قد حنينه ،
على قد الكلمه ماتبقى معاني
أنا خايف اسكر من إحساسى ،
وخايف اكتّر من كلماتى ،
ليهبط قلبى وتِنزل راسى ،
أنا بحبك ،
أنا فِعلاً بحبك .
تم أضافة تعليقك سوف يظهر بعد المراجعة