قال النجم مصطفى قمر: "تيام عنده كاريزما خليت الناس تحبة في المسلسلات اللى ظهر فيها مش عشان ابنى، والكلام ده ظاهر عليه من صغره، رغم أن جاله فترة كان ماشى ورا إياد واللى يعمله يعمل زيه.
وأضاف، مصطفى قمر بصحبة نجله تيام خلال لقائه في برنامج "معكم" تقديم الإعلامية منى الشاذلى، المذاع على قناة Cbc، أنا شفته مرتين بيمثل وهو صغير الأولى كانت طفل وكان بيعمل مسرحية بالانجلش ولقيت الناس الموجودة بتتضحك من اللى بيعمله.
وتابع: المسرحية التانية كانت بالعربى وكوميدية أيضًا وكان اسمها "الأرانب، وكنت أجيب صحابى وأتفاجئت مفاجأة غريبة لأن في مشهد بيتخانق مع مراته وفاجأه بيقلع الروب والبيجامة وفاجأة بقى بالملابس الداخلية فقلت لا أنا معرفهوش.
واستكمل: في مرة قلت لأخوه إياد أنا عاوز أروح اشوف أخوك فقالى روح لما تلاقى بنات كتير ادخل في النص هتلاقى تيام، متابعا: تيام أتخطب منى 60 مرة وتلقيت رسايل كتير كلها جوزهولى.
وأشار مصطفى قمر، إلى أن حبه الأول كان من "بنت الجيران"، قائلا، كنت بطلع "الأورج" في البلكونة وأحطه على السور وأوصل السماعات وأعلى الصوت على الأخ وأعزف عشان تطلع، وكان كل الناس بتطلع في البلكونات يشتكوا من إنى صدعتهم .
وطرح النجم مصطفى قمر، مؤخرا أغانى ألبومه الجديد "لمن يهمه الأمر 2" الذى يضم 7 أغانى وهى "مسافر" و"عجوز فى المدينة" و"دقى عودك" و"حبك على جبينى" و"سوسنة" و"حنونة" و"هغنيلك"، عبر قناته الرسمية على يوتيوب.
وتعاون قمر فى الألبوم الجديد مع عدد كبير من الشعراء وملحن واحد فقط، ومن الشعراء رضا زايد والراحل سامح العجمى، ولحن مصطفى قمر عدد من أغانى الألبوم، وشارك أشرف السرخوجلى فى الألبوم بتلحين عدد من الأغنيات أيضا، والألبوم بشكل كامل من توزيع مصطفى قمر.
