اعتذر حمو بيكا، مطرب المهرجانات، لجمهوره عبر حسابه بموقع إنستجرام، بعد غضبهم منه أمس بسبب ارتداء "تى شيرت" مطبوع عليه علامة خارجة، بالإضافة إلى عبارة "إحنا جدعان وأنتو لأ"، وكتب بيكا "جمهور وأخوات حمو بيكا أحب أوضح إن الصورة اللى نزلت على الإنستجرام إمبارح مكنتش أقصد بيها أى حاجة نهائى والتى شيرت جايلى من سنة هدية ومتصور بيه قبل كدة تحت فى الإنستا بحبكم إخواتى.. ياريت تفهمو بقا مش كل ما أنزل صورة تفهمونى غلط".
حمو بيكا
وحاول جمهور "بيكا" لفت نظره لما يحتويه الـ"تى شيرت" إلا أنه لم يرد على تساؤلات جمهوره، حيث كتب أحمد: "التى شرت دا ظروفه إيه يا بيكا، الكلام على إيه"، وعلق آخر: "أنت بتشرب السيجارة مطفية" وثالث: "إيه القرف اللى إنت لابسه دا مفيش حد من المشاهير بيعمل كدا".
وفى وقت سابق، نفى مطربا المهرجانات حمو بيكا وحسن شاكوش الأخبار المتداولة على بعض المواقع الإخبارية بشأن إلقاء القبض عليهما من قبل المصنفات الفنية أثناء غنائهما بدون تصاريح وإقامة حفل مخالف لقرارات مجلس الوزراء المتعلقة بشأن جائحة فيروس كورونا "كوفيد 19" بمنطقة المنصورية.
وظهر حمو بيكا فى مقطع فيديو عبر حسابه الشخصى على "فيس بوك" وقال "سلام عليكم لكل الناس اللى بيحبونا وكل إخواتى أنا عايز أوصل رسالة لأى جريدة بتكتب كلام كاذب.. أنا فى مكتبى ولسه مخلصين شغلنا فى الاستوديو بتاعى.. بلاش الناس تتكلم كتير علينا وخلى اللى يكرهنا يكرهنا وإحنا مش بنكره حد، أنا طالع فى الفيديو ده أوجه رسالة لأى جريدة بتكدب وبتنزل أخبار علينا مش صحيحة، وأنتو متصدقوهاش".
تم أضافة تعليقك سوف يظهر بعد المراجعة