استمرار لتغطية تليفزيون اليوم السابع، لكافة فعاليات مهرجان الجونة السينمائى فى الفترة من 23 لـ 31 أكتوبر الجارى، التقت كاميرا تليفزيون اليوم السابع، مع الزميلة منه يحيى بالمهندس سميح ساويرس مؤسس مدينة الجونة والمهرجان.
وتحدث المهندس سميح ساويرس خلال اللقاء عن التحديات التى واجهت إقامة المهرجان، قائلا: "أول حاجه يمكن السند الأساسى لينا هو وزارة الصحة وإذا كان المهرجان نجح فهو ناجح بالمساعدة بتاعتهم لأنهم ادونا الأمان من ناحية الإجراءات إننا نتأكد أن الإجراءات سليمة وان الناس عارفة إيه الل لازم تعمله".
وأضاف: "وبعدين طبعا اتوفقنا أن الناس كلها كانت عايزه تعيش الجو الطبيعى بتاع مصر لأننا مش متعودين على الحبسة دى يعنى".
وعن تأخير المهرجان، قال المهندس سميح ساويرس:" أكبر تحدى طبعا كان اننا ابتدينا متأخر جدا لأننا كنا لحد شهر قبل المهرجان مش عارفيين إذا كان هيحصل ولا لا فعملنا كل حاجه فى شهر وده طبعا رقم قياسى وكان لازم هيحصل من واراه شوية مشاكل".
وعن اختلاف المهرجان هذا العام قال المهندس سميح ساويرس: "أكبر اختلاف طبعا فى الإجراءات الاحترازية لأن دى الفيصل احنا مينفعش نعمل مهرجان ناجح والناس كلها تروح عيانه، فا زى ما قولت فى الأول اللى نفعنا وطمنا اننا معانا إشراف كامل من وزارة الصحة وبجد لولا أن الوزيرة نفسها كانت ورى الموضوع ده مكانش هينفع.. لو احنا لوحدنا بنفكر وكده ورغم اننا جبنا كل الإجراءات اللى عملوها فى المهرجانين اللى قبلينا إنما كان برده لازم يكون معانا سند وده اللى نجح الدنيا".
وعن اتخاذ قرار إقامة المهرجان قال: "احنا كنا لحد شهر كنا شغالين أن المهرجان هيحصل والتأخير كان لمدة شهر لأن كنا نحب طبعا يبقى عندنا شهرين نبنى فيه كل اللى شوفتوه ده.. وده كان أكبر تحدى بالنسبالنا".
ووجه المهندس سميح ساويرس رسالة لتليفزيون اليوم السابع قائلا: "إحنا طبعا مبسوطين جدا بوجودكم.. انتوا اللى بتنقلوا الصورة دى للبلد كلها وللخارج.. فى ناس من برا دخلت شافت أخبار المهرجان عندكم على موقع اليوم السابع، وده بالنسبة لينا دعم كويس جدا".
