لقاء سويدان عن دور العالمة الجرىء بمسرحية سيد درويش: حبيته وقدمته من غير ابتذال

وسط إجراءات احترازية مشددة والتزام بارتداء الكمامات والتباعد الجسدى انطلقت فعاليات الدورة الخامسة من مهرجان شرم الشيخ الدولى للمسرح الشبابى.

تليفزيون اليوم السابع التقى الفنانة لقاء سويدان، على هامش المؤتمر وأجرت الزميلة رغدة بكر هذا اللقاء. 

بدأت الفنانة لقاء سويدان اللقاء بتحية مازن الغرباوى رئيس المهرجان على الفكرة والشجاعة فى ظل ظروف كورونا الحالية، واللواء خالد فودة محافظ جنوب سيناء، والفنانة سميحة أيوب على دعمهم للمهرجان كسابق عهدهم، مشيرة إلى أن تقديمها للمهرجان هذا العام يعتبر المرة الثانية.

وعن أزمة المسرح، قالت سويدان :" مبقاش فى أزمة فى المسرح.. رجع القطاع الخاص يقدم عروض حلوه ومهمه ولذيذة.. القطاع العام عمره ما كان متوقف.. الدكتورة إيناس عبد الدايم عاملة شغل هايل.. حتى في وقت كورونا كان في مسرحيات أونلاين على قناة وزارة الثقافة وأنا مشاركة في 3 مسرحيات لوزارة الثقافة "، مضيفة :" في عروض كتيرة جدا رغم ظروف كورونا ولكن المسرح واقف على رجلة ويقاوم .. والمسرحيين الحقيقة باذلين كل الجهود علشان الحياة تفضل منورة في المسرح .

وعن دورها في سيد درويس، قالت لقاء سويدان :" أنا عاملة جليلة.. دى عالمة وحب سيد درويش الكبير أوى حب حياته ومراته.. وكتب فيها أغانى كتير .. وللأسف سابو بعض.. وده الدور اللى قدمته هند رستم في الفيلم، مضيفة: "جليلة دور مختلف عليا جدا أول مرة أقدمه في المسرح .. أنا عملت استعراضات وغنا .. لكن المرة دى دور عالمة دور في جرأة شوية .. ناس كتير حست انى غيرت جلدى .. قدمت الدور بشياكة ولطافه ومن غير ى ابتذال .. فانا حابه أوى سيد درويش كعرض وحابه أوى فكرة جليلة ".

وعن الفارق بين السينما وخشبة المسرح قالت لقاء :" الجمهور هور الفرق .. انى بشوف الناس اللى بحبها وبتحبنى .. الناس اللى ادتنى شهرة وحب بدون ما يعرفونى .. بحس بنفسهم .. فانتى بتاخدى الجايزة بتاعتك في ساعتها .. بتاخدى رد الفعل سواء  حلو أو مش حلو في ساعتها .. الجمهور الحقيقى .. ملهاش دعوة بالسوشيال ميديا ولا حد بيتدخل فيها ولا فيها أي لعب .. بيجوا يتصوروا معايا بعض العرض انا ببقى في غاية السعادة .. إحساس مش قادرة أوصفه .. لكن أنا بحس على خشبة المسرح أنى طايره .. فالمسرح بالنسبالى حاجة مهمة جدا.