حنان مطاوع لتليفزيون اليوم السابع: بخاف من الحسد وحصلتلى حادثة بسببه

أكدت الفنانة حنان مطاوع خوفها من الحسد قائلة: "بخاف من الحسد بس مش ماشية بيه أوى.. واخداه في الاعتبار بس مش مصدراه أوى مش واخد اهتماماتى ومش معطلنى.. بسم الله ما شاء الله ولا قوة إلا بالله وخلاص".

وكشفت الفنانة حنان مطاوع، فى حوار خاص لـ"تليفزيون اليوم السابع"، عن موقف أثبت تعرضها للحسد، مشيرة إلى أنه بعد الاحتفاء بها وقعت الحادثة التي تعتبرها نوعا من أنواع الحسد، قائلة: "الحمد لله إنها جت على قد كدة".

وعن الأشخاص القريبين منها قالت: "أهلى وأصحاب المدرسة.. والقرب مسئولية.. فانتى لو مش قد المسئولية دى خلينا حبايب.. علشان أقول إنك صحبتى لازم أبقى مسئولة عن الموضوع ده.. لازم أبقى موجودة معاكى لما تحتاجينى.. لازم أبقى موجودة معاكى في الفرح والحزن".

وعن صعوبة تحقيق هذه المسئولية قالت: "مش معنى إنى بحبك إنك صحبتى.. لكن صحبتى لازم أديكى من عمرى ومن وقتى ولازم لما تحتاجينى تلاقينى.. عندى أصحاب 25 سنة وعندى أهلى.. وعندى من الوسط ناس مش كتير بس عندى حبايب كتير ومن قلبى بتمنالهم كل الخير.. بس الصداقة دى مسألة تانية خالص".

وعن الشو في الصداقة قالت: "الحمد لله احنا طالعين بشلة من زمان وواخدة وقتى فى الدائرة القريبة منى ومعنديش وقت إنى اخترق حياة حد تانى.. وطبعا زى ما هو معروف.. عدوك ابن كارك زى ما هو معروف مش في الفن بس في كل حتة.. لكن مش ممكن يكون في فنان مش كويس ممكن يبقى مغنى ممكن يبقى ممثل.. لكن فنان لازم تكون جميل".