لميس الحديدي عن إصابات الأهلى بـ"كورونا": "هو الفريق اتضرب ولا إيه؟"

أكدت الإعلامية لميس الحديدى، أن إصابات لاعبي النادي الأهلي بفيروس كورونا مقلقة حيث بلغت الإصابات خمسة أشخاص في أيام قلائل.

وأضافت عبر برنامجها "كلمة أخيرة" المذاع على شاشة " ON"  قائلة: "أي حد بيتابع الكورة هتكون الإصابات مقلقة ليه وهيتخض بدأت بكهربا ثم توالت الإصابات وفوجئنا بصالح جمعة ثم أحمد ياسر ريان ثم محمد شريف ووليد  سليمان مشيرة إلى أن ماتش الجمعة النهائي سيغيب عنه صالح جمعة ووليد سليمان وكهربا ويبقى السؤال هل كدة الفريق اتضرب؟ هل لدينا إدارة غير منضبطة؟ أم لاعبين غير منظبطين".

وتابعت لميس الحديدى: "كلنا ممكن نصاب بكورونا  لكن  فكرة خمسة لاعبين في النادي الاهلي كتير؟ المفروض اللاعبين دول عارفين إننا في ظروف جائحة "كورونا" وعندهم ماتشات مهمة الفترة الجاية زي نصف نهائي كأس مصر وماتش الأهلي والزمالك في نهائي دوري  أفريقيا  لازم يبقى فيه إجراءات فوق الاحترازية لازم يكون هناك انضباط وتدقيق من الادارة واللاعب نفسه لازم يكون قلقان لأنه مش ملك نفسه".

وأكملت: "سؤال تالت هو النادي عارف اللاعبين دول بيتحركوا فين وبيروحوا فين؟ المفروض يتقفل عليهم خلال هذه الفترة الحرجة".