قال المنتج هانى محروس، إنه يحب العمل في مجال الإنتاج لاكتشاف المواهب، وخاصة المواهب الشابة فهو دائم العمل عليها لأنه يرى أنهم يشكلون المستقبل للمهنة. وحول أهم ما تعلمه من شقيقه الأكبر نصر محروس، قال: "أنا اتعلمت من نصر إنى أبقى شيك فى فنى وفى الإنتاج، والإنتاج مش دفع فلوس وخلاص، لكن إننا نقدم حاجة كويسة للناس".
وأضاف محروس خلال لقائه بتليفزيون اليوم السابع، مع تامر إسماعيل: "أنا كمهندس صوت يحب يعمل مع أصوات مثل أصالة وحسين الجسمى وتامر حسنى، وغيرهم من النجوم في مصر المليئة بالأصوات الجديدة".
وردا على سؤال مين أحلى صوت فى مصر، قال: "أحلى صوتين في مصر عمرو دياب وشيرين عبد الوهاب، وعمرو دياب صوته لا يمكن يضايق حد، وكمان شيرين لكن فى أساتذة طبعا جامدين".
وقال محروس عن تامر حسنى: "بيعرف يعمل كل الحاجات"، وعن على الحجار "مافيش صوت زيه بس هو ناسى نفسه"، وعن محمد فؤاد "صوته تحفة بس آخر فترة مش كل الأغانى كان موفق فيها".
وعن أوحش صوت قال "طبعا ماقدرش أقول عشان مزعلش حد، لكن فيه أصوات وحشة في الرجال والسيدات".
تم أضافة تعليقك سوف يظهر بعد المراجعة