"بهاء ما ستجدعش مع نصر محروس، ونصر تعب من بهاء بس مافقدش فيه الأمل لأنه بيحبه"، هكذا علق المنتج هانى محروس، خلال حواره مع تليفزيون اليوم السابع على أزمة بهاء سلطان مع نصر محروس، وأضاف حول رأيه في الأزمة: "أنا هتكلم كمهندس صوت وليس شقيق نصر محروس، بهاء كان محتاج يمسك فى نصر أكتر لأنه سبب وخلى مصر كلها تتكلم وتحب بهاء سلطان، وماكنش ينفع بهاء يسيبه".
وتابع: "نصر صاحب حق حتى لو كان العقد لا يقول هذا، وقال: "نصر لم يوقف بهاء بدليل أنه حاليا يغنى فى الإعلانات والمسلسلات ويحيى أفراح، وده عشان أحنا مش من تربيتنا نوقف لقمة عيش حد، لكن بهاء وقف لقمة عيش الشركة".
وحول رؤيته لحل الأزمة، قال: "بهاء سلطان يروح النهاردة ويقول لنصر عفا الله عما سلف واحنا أخوات، لأن بهاء مش هينفع يغنى غير وهو بيستكمل عقده، وطول ما هو ماستكملش عقده مش هيغنى، ولا هيعرف يعمل ألبوم لان ده من حق الشركة".
وقال: "أنا من الفانز بتوع بهاء سلطان وبتوع نصر محروس، وأنا شايف أن الموضوع ينفع يتحلل، وينفع بهاء يحله من غير محاكم وقضايا".
ووجه هانى محروس، رسالة إلى بهاء سلطان، وقال: "روح لنصر ده أخوك الكبير أنا عارف أخويا وتفكيره هو بيكن له كل الخير والاحترام".
تم أضافة تعليقك سوف يظهر بعد المراجعة