8 سنوات قضى منهم عادل طه الشهير بسوسو مصر، شهور فقط في النور قبل أن يصاب عصب في رأسه، ويؤدى إلى فقدانه نعمة البصر ليكمل حياته في ظلام، لكن من الألم وحدهم المحاربون يجدون الأمل.
سوسو مصر هو أحد مشاهير التيك توك، الذى إذا صادفته في أحد الشوارع سوف تجد حوله العشرات يقفون لالتقاط الصور معه على الرغم من أنه لا يراهم.
اشتهر عادل بفيديوهاته الكوميدية على التيك توك، والتي تعتبر من الفيديوهات الأكثر رواجا، على موقع الفيديوهات الشهير، وهو ما ساعده على تسجيل لقاءات مع مشاهير الكرة منهم لاعب الأهلى مجدى قفشة، والجنوب أفريقى بيتسو موسيماني المدير الفني للفريق الأول لكرة القدم بالنادى الأهلى وغيرهم من نجوم القلعة الحمراء.
كل أملى في الحياة أشوفه بيلعب زى أصحابه، ومش عايز من الدنيا حاجة تانى، بهذه الكلمات الحزينة بدأ طه والد عادل كلامه عن ابنه الذى يراقبه دائماً في حزن، ويكمل قائلاً: لما بشوف أخوه بيسحبه من إيده بزعل، لما بشوفه بيخبط في الحيطة ولا في الباب نفسى يفتح ويروح ويجى زى اللى حواليه.
تقول والدة عادل: أول ما اتولد كان بيشوف كانوا يلاعبونه ويلتفت لهم، وفجأة سخن ورحنا للدكتور ووصف له علاج، أنا عمرى ما قصرت معاه من ساعة ما اتولد وأنا بجرى بيه من مستشفى للتانية الأول قالوا يلبس نضارة عشان تقوى العصب وبعدين قالوا العصب خلاص مش نافع ومحتاج عملية بالدولار وإحنا على قدنا.
وعن أحلام عادل طه الشهير بسوسو مصر يقول: أنا نفسى أشوف أمى ووالدى وعماتى وألعب مع أصحابى وأركب عجلة زى أصحابى أنا الناس بتشوفنى تتصور معايا وأنا مابشوفهمش.
ينتظر عادل الظروف كى تتحسن ليتمكن من عمل عملية جراحية تعيد له نظره، حتى يتمكن من تحقيق أحلامه البسيطة التي لو نظرنا حولنا لوجدناها نعم ينعم بها أغلبنا.
تم أضافة تعليقك سوف يظهر بعد المراجعة