قالت النجمة الكبيرة إلهام شاهين، فى حوارها لتليفزيون اليوم السابع مع الزميل على الكشوطى أثناء حضورها العرض الخاص لفيلمها حظر تجول، إنها سعيدة بعرض الفيلم للجمهور الأكبر، مضيفة: "مبسوطة جدا إن الجمهور الأكبر هيشوف الفيلم، لأن جمهور المهرجان هو النقاد والفنانين وجمهور الأوبرا، دلوقتى كل الناس تشوفه ويا رب يعجبهم".
وتابعت: "فيلم حظر تجول يقدم سينما ليها قيمتها وبتخدم المجتمع وليها رسالتها وتبقى مشرفة لينا بجد لما تمثل مصر فى أى مكان فى العالم، سينما بتخدم المجتمع حقيقى يعنى مش مجرد الناس تنبسط ويبقى فيلم وخلاص، لأ الفيلم بيقدم قضية مهمة جدا، والسينما لا تقدم حلول لكن تضع إيد الناس على الخطأ فى المجتمع وتخليهم هما يفكروا فى حلول".
وأضافت إلهام ردا على سؤالها حول تعليقها على حالة التنمر الذى تعرضت لها سوسن بدر ويسرا اللوزي مؤخرا بالسوشيال ميديا قائلة، "التنمر على الفنانين بشوفه قلة أدب وقلة أخلاق وقلة دين، الدين أخلاق فى الأساس، ولكن التطاول على الفنانة والدعاء عليها بالموت ده شخص أنا بقوله ربنا ياخدك أنت وأمثالك، والتانى اللى يتنمر على فنانة عشان عندها بنت تعانى من مشكلة خاصة بقوله أنت مش بنى آدم ولا تستحق الحياة، وعمر ما كانت أخلاق المصريين كدة".
الهام شاهين تجرى لقاء لتليفزيون اليوم السابع مع علي الكشوطي
وأكملت: "ظاهرة التنمر التي يتعرض لها الفنانين وأسرهم علي مواقع التواصل الاجتماعي قائلة: "دى مش أخلاق المصريين والواحد لما بيسمع عن موت شخص حتى لو مايعرفهوش بيلاقى نفسه بيدمع وأنت متعرفهوش، ولما بيلاقى طفل مصاب بأى حاجه بيتعاطف معاه وبيدعيله من كل قلبه ربنا يشفيه، لكن اللى بيتنمروا على السوشيال ميديا على الفنانين وأسرهم بالشكل اللى تعرضت ليه سوسن بدر ويسرا اللوزى بعتبر إن الحيوانات أحسن منهم".
وأضافت إلهام شاهين في حوارها لتليفزيون اليوم السابع: "النجمة يسرا زى الفل حاليا وإن كل زملائها ممن أصيبوا بفيروس كورونا كويسين وزي الفل وبيتعالجوا في البيت ومحدش فيهم اتنقل للمستشفى"، وطالبت إلهام شاهين رواد السوشيال ميديا أن يتركوا الفنانين فى حالهم وينشغلوا بنفسهم أفضل.
إلهام شاهين
وعن سر عشقها لارتداء فساتين مرسوم عليها حيوانات فى مناسبات مختلفة، ومنها الفتسان الذى ارتدته فى العرض الخاص للفيلم ورسم عليه حصان أبيض، قالت: "بعشق الحيوانات بحبها جدا وعندى حاجة عليها قططت وكلاب وأسود ونمور، بحب الحيوانات جدا لأن كمان شكلها جميل وفيها نقاء، والفرسة رمز القوة".
