قال محسن ثروت والد مروان محسن مهاجم النادي الأهلي، إنه يعتبر أن نجله كان من نجوم مباراة الأهلى طلائع الجيش في نهائي الكأس، وشارك في أشواط المباراة الأربعة، وساهم في صناعة العديد من الفرص ومن الأسباب الرئيسية في فوز الفريق.
وتابع والد مهاجم الأهلى في تصريحات لتليفزيون اليوم السابع، قائلا :" ضاعت فرصة منمسكش على فرصة اللى ضاعت إزاى كان انفراد وكان واحد على اليمين والشمال والحارس مد رجله وطلعها، وتابع أمبارح 10 على 10 وأنقذ هدفين كان الطلائع هيحرزهم في الأهلى.
وأشار إلى أنه لا يعرف سبب الهجوم على مروان، مشيرا إلى أن العديد من اللاعبين أضاعوا فرص في مباراة أمس، وتابع: معظم اللاعبين كانوا مش موفقين أمباح، هو يعنى لما مروان يضيع فرصة الدنيا تقوم عشان إيه، وهو أمبارح لم يقصر بالمرة وكان أحسن عنصر في النادي الأهلى أمبارح ايه المطلوب منه، كورة تضيع ايه يعنى.
وأضاف والد مروان محسن مهاجم النادي الأهلي، أنه لا يرى سبب للهجوم على مروان، مشيرا إلى أن كل المدربين اللى أجمعوا أن مروان ممتاز.
وأكد والد لاعب الأهلى أن مروان لا ينظر لأى هجوم على السوشيال ميديا، تابع انتقدوه فنيا ومش حاجه تانية من الكلام اللي بيتقال، ونرحب بالنقد الفني، وفى محللين بيقولوا الصح وبيأكدوا ان مروان من اللاعبين الممتازين، والمفروض نساعده على البناء وساعده انه يشق طريق وليس الهدم، ويعنى لما يفضل يلعب وبعدين تيجي فرصه الدنيا تتقلب حرام اللى بيحصل ده.
وأوضح محسن ثروت، إن ابنه أهدر فرصة في مباراة الاتحاد ولكنه أحرز أصعب منها في مباراة الوداد في البطولة الأفريقية وسجلها في حارس دولي، كما سجل أهداف صعبة في الطلائع قبل ذلك، وتابع قائلا :"ليه هدو كل الشغل اللى عمله سواء في الدفاع أو الهجوم وعمل عرضيات ولكن هو مين من الظهيرين عمله كور عرضية مفيش حد، والمباراة كانت مقفلة لن هو أدي 10 / 10 ويكفى الجول هو اللى عمله، وهو امبارح ضيع فرصه واحدة، ليه الجرائد بتكتب محترف إضاعة الفرص، المفروض تديله دفعة.
وأكد والد مهاجم الأهلى، المدرب يثق فيه وكل تمرين بيكلمه، ولو فشل فشل زريع في مباراة الاتحاد مش هيلعبه، والناس اللى بتقول الأهلى محتاج مهاجم مش محتاج رأس حربه وعنده أكثر من لاعب هجوم على مستوى وعنده ريان ومحمد شريف وصلاح محسن وطاهر محمد طاهر وفى منتهى الجمال، وابنى بيقعد مبيتكلمش ويلعب مبيتكلمش وبيأدى اللى عليه والقادم هيكون أفضل.
وتابع قائلا مروان اعتبره من أحسن لاعبي مصر، ولما بيبقي وحش بقولوا، وبقولوا خلى بالك الناس بتتذكر الأهداف وليس الأداء انما هيعمل إيه لازم اللى جنبه يساعده، ودايما بقولوا شد حيلك يا مروان واقطع في القريبة.
مروان كسب الأهلى في مباريات كتير جدا، في مباراة دجلة والإسماعيلي، والجونة، كل ده يتنسي.
