شاركت الفنانة هايدى كرم، صورة لها من داخل "الجيم" على حسابها الرسمي بموقع "انستجرام"، اليوم الاثنين، وظهرت هايدي كرم في الصورة وهي بالملابس الرياضية وتؤدى بعض التدريبات داخل إحدى الصالات الرياضية، وعلقت على الصورة بتوجيه نصيحة إلى جمهورها عن فوائد ممارسة الرياضة قائلة: " نوع من التأمل.. لو تعرفوا الرياضه بتعمل ايه للروح و النفس قبل الجسم هاتخلقوا لها وقت من تحت الأرض".
1
وفي وقت سابق، وجهت الفنانة والمذيعة هايدى كرم، بضعة رسائل عن تجاربها الحياتية على مدار الفترة الماضية في حياتها، بمقطع فيديو جديد نشرته عبر حسابها الشخصي بانستجرام لمدة 5 دقائق كاملة.
وظهرت كرم في مقطع الفيديو وهي داخل منزلها وقالت "جالى وقت كان عندي حاجات غالية عليا اضطريت ابيعها، علشان خاطرأقدرأكمل حياتي، علشان اصرف كل يوم أكل وشرب، ومصاريف أساسية، كنت بروح أبيع حاجات عزيزة عليا، وبحس بخسارة كبيرة جدا وبحس بقهرة".
هايدى كرم
وأضافت كرم في مقطع الفيديو "انا اتعلمت من التجربة دي، ان ساعات في حاجات في الدنيا احنا متمسكين بيها جامد اوى، وربنا عاوز يديك هدية أحلي وحاجة أكبر، طول ما في إيدك الحاجة دي الحياة مش عارفة تديك الحاجات التانية، لازم ايدك تفضي علشان الحياة تديك حاجة احلى، دا اللى أنا اتعلمته ودا اللي أنا عيشته، واعتقد اننا لما بنتمسك بالحاجة دى أوى وبنفضل عايشين بأننا مش هنقدرنعوضها، بنمنع نفسنا من أننا نستقبل حاجات أحلى ونعيش حاجات أحلى، الحاجة اللى في ايدك اللى متمسك بيها وحاسس أنك لو بعتها هتحس أنك فشلت، اعرف انك مش مضطر، وإن الحياة عاوزة تديك حاجة أحلى، لازم تتنازل عن دا".
وحصدت كرم عدد كبير من المشاهدات على مقطع الفيديو الذي نشرته، وحرصت الإعلامية ريهام سعيد، على كتابة تعليق على الفيديو قائلة " زي ما تكوني بتكلميني"، وكتبت إحدى متابعيها قائلة " انتي ربنا بعتك ليه عشان تطبطبي على قلبي بالكلمتين دول على الصبح".
تم أضافة تعليقك سوف يظهر بعد المراجعة