المصل الصح لما الضحكة تبقى كمامتي
والفرحه سبرتو ف وش كأبتي
والابتسامة تكون ليا عشيقتي
قولي ده مين الموت كان زاره وهو بيضحك
ولا كان مين تعبه جاله والفرحه ف وشه
يا حبيب قلبي .......
عيشني أمل قولي بكره كله أجمل ملي فات
وان الشمس هاتيجي تسهر اودام بيتي وتبات
وحياتي الجايه هاتبقي فرحه ومليانه نور
محتاج بس اني اسمع حروف الجملة دي منك
وهعدي بيها ساعاتي الصعبه والرهيبه
حبه تفاؤل منك هيبلوا ريقي يملوني هيبا
الأمراض لو صابتني فضحكه منك هابقي اقوي
حتي لو مالهاش أي علاج
ماهي بتدخلي لما جسمي يقل دفاعه
فمناعتي دي لو تعبتني هاتقوى الاوجاع
عيشني جمله تقولي فيها ان الحياه دي جميله
وان الى هاييجي نور مع كل ليله
عاوز ابكي من كترة ضحكي
ودموعي تنزل لما الفرحه تبقالي حبيبتي
مش عاوز اتوجع من تقل همومي او بكأبتي
نفسي ابقى على طول اوقاتي واحد بضحك حتي ف خيبته
وف كل عدد ساعاتي تكون سعادة مش ناقصه السنتي
احنا بنحب الحب ف كل حياتنا لانه بالنسبالنا هرمون السعاده
وغيابه وفجأة من يومنا بيخلي حالتنا حاله
أصل الحكايه هيا المناعه هي دراعنا هي عنينا وسمعنا كل حاجه
ودا لو حميناها بابتسامه هانحس بنور وفصيف شتانا
وساعتها هانحس بضبط النفس
وساعتنا هاترقص لما تلف
وسعادتنا هاتكبر من جوانا
عيشني أمل اني اجمل من بكره
اني اقوى من امبارح
قولي ان في فرحه واقفه على بابي مستنياني
حتى لو كدبه بيضا مايمكن يا سيدي تبقى حقيقه
تبقى صدقه
قولي بكرا هايبقى اجمل مل لى فات والى جاي
اكدب قولي ان الحياه لونها ابيض وسوادها مات
القوه ف ان مناعتك تبقالك صاحبتك الى بتضحكلك من جواك
فبيضحك جسمك وياها
الأقوى ان الدنيا تشوفك بتطير وماحلتكشي ساغ
واما تصوصو بطنك مامعكشي حق عشاها
حسسني امل قولي فيه بكره مليان خير
هاتلي السما بايديك الاتنين
وساعتها هاطير
صبح وليل
وادعيلك يا جميل
