أرملة الشهيد المنسى تشيد بمسلسل "الاختيار": "حان الوقت لنفرح بسيرة شهدائنا"

قالت منار سليم أرملة الشهيد البطل أحمد منسى، إن هذه الأيام تحمل معانى الفخر والعزة، مضيفة: "أنا كويسة بيكم وكويسة بمصر والشعب المصرى، وهتكلم باسم أسر الشهداء: بكينا كتير وحان الوقت إننا نفرح بسيرة شهدائنا وجيشنا والسيرة العظيمة".

وأضافت، خلال مداخلة هاتفية ببرنامج " الحكاية"، مع الإعلامى عمرو أديب، تعليقاً على مسلسل "الاختيار": "حاسة أنه ماشية أحمد بيقلدها أمير كرارة، أحمد مكنش مشهور أو له فيديوهات، لكن أمير بيوصل الشخصية نفسها كانت بتتصرف إزاى".

وتابعت: "ربنا اختاره للتكريم وسيرته تبقى مخلدة عبر التاريخ، وبعد استشهاد أحمد ناس كتير بقت تكلممنا بيقولوا عمرنا ماشوفناه بس غير فينا حاجة، ودى حاجة بتسعدنا"، مردفة: "كل الأسرة بقعد تتفرج على المسلسل والجيران بيتصلوا، متهيألى مصر كلها بتتفرج على المسلسل، الشعب المصرى حلو أوى وبيبان وقت الأزمات، ديما مشاعره حساسة والأزمات بتخليه يفوق والتاريخ مبينساش".

واستكملت: "أحمد راح بالطريقة اللى كان بيتمناها، مصر مبتنساش ولادها، كل شهيد له قصص وحاجات وكلهم أحسن من بعض"، مستطردة: "لما بتفرج على العوضى في دور هشام عشماوى، بكرهه، دا معناه أنه ممثل كويس جدا أنه يوصل الإحساس للناس، فما بالكم بالإنسان الحقيقى كان عايش إزاى كده بالفكر بتاعه، الإنسان اللى بياكل مع واحد في طبق ويوصل إنه يكون سبب يموته، المنسى كان بيجيب سيرة عشماوى بتوعد ويقول بس أطوله".