رفض النائب ورجل الأعمال محمد مصطفى السلاب، تصريحات رجل الأعمال حسين صبور، الذى طالب فيها ضرورة عودة سوق العمل فوراً حتى لو تسبب ذلك في حدوث إصابات ووفيات مقابل عدم تعرض البلد للإفلاس، مشدداً، : " صحة مواطن واحد أعلى من فلوس الدنيا، الاقتصاد المصرى قادر يرجع مرة تانية، لكن المواطن المصرى المعرض للخطر مش هيرجع مرة تانية".
وأضاف "السلاب" في لايف مباشر مع "اليوم السابع"، أن صحة أي مواطن أهم من أي مكاسب مادية، متابعاً، : " العديد من رجال الأعمال عملوا مبادرات علشان نعدى الأزمة دى، مش كل رجال الأعمال صدروا تصريحات من هذا النوع، الدولة عملت دور كبير في محاربة الفيروس، لكن علينا دور كرجال أعمال، لإن دا ممكن يوصل لأهلى وليا كمواطن مصري في الأساس".
وتابع السلاب،قائلا : " مفيش مشكلة نستحمل شوية علشان نرتاح بعد كده، ولازم كل رجال الأعمال يتكاتفوا علشان نعدى الفترة الراهنة ".
جدير بالذكر، أن رجل الأعمال حسين صبور قال، : "باختصار شديد، لو توقفنا البلد هتفلس، كلها هتفلس، صناعة السيارات هتفلس، التشغيل هقف، المصانع هتقف، مينفعش نقف، مينفعش أبداً، كل حد له طاقة استحمال، واحنا دولة ضعيفة طاقتنا خلصت خلاص، لازم نشتغل فوراً، أياً كانت الإصابات، شعب قائم وناقص شوية أفضل من بلد مفلسة"، وذلك رداً على سؤاله بشأن رأيه في فكرة عودة العمل من عدمه فى الوقت الراهن مع وجود أومة فيروس كورونا .
عدد الردود 0
بواسطة:
نداء للسيد الرئيس🌷 من طبيبه مصريه
اللى بيبانوا في وقت الشده
همه دول اللى ربنا بيكرمهم وبيحفظم ..
عدد الردود 0
بواسطة:
اسامه عادل
osamaelpop92@gmail.com
ها هو الرجل الذي يطلق علية رجل اعمال هو محمد السلاب ينظر للانسان بنظرة إنسانية لا نظرة مادية زي بقيت البهوات والبشوات زي ايام زمان لما كانوا البشوات عندهم شوية شغالين عبيد ...شكرا رجل الأعمال محمد السلاب علي رد فعلك ولو كان بالكلام بس دة يكفي ويفهموا ويبصوا لنفسيهم في المرايه هما ولا حاجه من غير اصغر واحد في شركتهم ل أكبر واحد