شاهد أكبر طائرة ورقية للشهيد المنسى

الجمعة، 19 يونيو 2020 12:13 م

طياره الشهيد المنسي

كتب: أسامة طلعت - تصوير عمرو مصطفى

اضف تعليقاً واقرأ تعليقات القراء

تعتبر منطقة الزاوية الحمراء من المناطق التى تتصدر المشهد فى الطائرات الورقية وأشكالها المختلفة والرسومات الرائعة التى أصبحت علامة فى سماء المنطقة، لكن هذه المرة كان تفكير الشباب مختلفا وأكثر نضجاً.

ويعتبر الشهيد البطل احمد صابر منسى أيقونة وقدوة لدى الشباب الذين يفخرون بتضحياته ويتباهون بها.

أحمد بيبو صاحب فكرة رسم الشهيد المنسى على طائرة ورقية يقول: كان ليا واحد صاحبى عنده طيارة كبيرة واتكسرت، وكان زعلان، قولتله "ماحنا ممكن نعمل واحدة أحسن منها، وعليها كمان صورة الشهيد المنسى، وفعلا أيد الفكرة وكل واحد من المجموعة اللى اشتغلوا فيها كان ليه دور، يعنى عبده العسكرى هو الفنان بتاعنا وهو إللى رسم صورة المنسى بالشكل الجميل ده، وسامح بازوكا هو اللى عمل هيكل الطيارة.

يقول عبده العسكرى: لما بيبو قالى ع الفكرة عجبتنى أوى وابتديت فيها على طول والرسمة خدت 8 ساعات لحد ما طلعت فى الاخر بالشكل ده ومبسوط انها كل الناس تشوفها فى السما بتقرا الفاتحة للشهيد المنسى وتدعيله.

ويذكر سامح بازوكا: بقالى 30 سنة بعمل طيارات ودى احلى طيارة عملتها وكان رد الفعل كبير جدا وكنت مبسوط وكل مرة بنطير فيها طيارة المنسى الشارع كله بيقف والناس بتبقى عايزة تتصور معاه.

وأخذت الطائرة مجهودا كبير من فريق العمل الذى يتكون تقريباً من 10 أفراد لتخرج طائرة المنسى بشكل يليق بالشهيد وتكون هدية من أهالى الزاوية الحمراء لكل من يقدم نفسه فداء للوطن.