بعيدًا عن الرياضة وملاعبها وصالات المنافسات هناك جانب آخر فى حياة اللاعبات على صعيد الألعاب ألفردية أو الجماعية، هذا الجانب تتجرد فيه اللاعبات من البطولات والألقاب التى تحققت على أيديهن، ويظهرن من خلاله اهتمامهن بحياتهن الشخصية وهواياتهن، ونجمة اليوم فى برة الملعب هى هنا العبسى لاعبة كرة السلة بنادى سموحة، ومن أبرز نجمات اللعبة لما شاركت فيه من بطولات عديدة على صعيد الناشئين والشباب، وتتألق أيضاً من حيث الشياكة والأناقة خارج صالات المنافسات.
هنا العبسى لاعبة سموحة
ما هوايتك المفضلة بعيدا عن الرياضة؟
عزف البيانو والرسم، في أوقات الفراغ برسم أى حاجة، وكمان بحب العزف جدا على البيانو.
ما الأكلة التى تتميزين فى طبخها؟
الشاروما و البيتزا، رغم أنها أكلات سهلة، لكن بعملها بطريقة مميزة وبيكون طعمها مختلف ولذيذ.
هنا على البحر
من نجمك المفضل؟
كوبى براينت
من مطربك المفضل؟
الهضبة عمرو دياب كل أغانيه أحلى من بعضها سواء القديم أو الجديد، وكمان بحب أسمع هالسى.
لاعبة سلة سموحة
لو لم تكونى لاعبة كنتى تتمنى تكونى إيه؟
عازفة بيانو لانى بحب البيانو جدا، وراقصة باليه.
لما تتعاكسى فى الشارع .. أيه بيكون رد فعلك؟
التجاهل مفيش غير التجاهل في المواقف دى.
هنا ووالدتها
مين من نجمات السينما كنتى تتمنى تكونى زيها؟
منى زكى طبعا رقيقة وجميلة وكل أدوارها حلوة.
بتحبى الملابس الكاجوال ولا الفورمال؟
هو الفورمال أحلى طبعا، لكن لو نازلة النادى أو الترديب أو خارجة مع اصحابى بيكون الكاجوال أسهل طبعا.
ولو هترتبطى تحبى ترتبطى برجل رياضى فى تخصصك ولا وظيفة تانية؟
الموضوع ده مش في تفكيرى الفترة الحالية قائلة: مش شاغلة بالى بيها دلوقتى.
لو طلب منك تسيبى الرياضة هتعملى أيه؟
مفروض أنه هيبقى عارف أنا بحب الرياضة ومتعلقة بيها جدا من الأول، وفى الآخر محدش هيجبرنى أسيب الرياضة إلا غير أما أكون عاوزة كده، وبناءً على رغبتى.
هنا العبسي
تم أضافة تعليقك سوف يظهر بعد المراجعة