انتقد الشاعر أمير طعيمة شركة روتانا، بعد إعلانها طرح كليب جديد لمطرب المهرجانات حمو بيكا، والتعاقد مع بعض مطربى المهرجانات لتوزيع أعمالهم، معلقا "شىء محزن إن اللوجو اللى اتحط على أعمال عظماء يبقى محطوط على النوع ده من الأعمال".
ووجه الشاعر رسالة إلى الشركة قائلا: "أصدقائى المسئولين فى روتانا واللى هيزعلوا منى، مع الأيام هتعرفوا إنها نصيحة مخلصة وأنكم تسيئون لتاريخكم، فيه فرق بين شركة كبيرة وبين سوبر ماركت يعرض سلعة رخيصة حتى لو عليها طلب".
كما وجه الملحن مصطفى جاد، عددا من الأسئلة إلى شركة روتانا بعد توقيعها عقدا مع مطرب المهرجانات حمو بيكا، قائلا عبر حسابه بموقع تويتر "ربنا يكتب النجاح لكل الناس، وربنا يعلم قد إيه بفرح بالغنوة الحلوة والمزيكا الجديدة وخصوصاً لو مصرية.. دى أول حاجة موضوع روتانا اللى قالب السوشيال ميديا وحمو بيكا وكده أنا بس عايز أحط كام سؤال قدام حضراتكم ونحاول نجاوب عليهم مع بعض".
وأضاف "هل روتانا مهتمة أصلاً بالمحتوى ولا النجاح والعدد المهول من المتابعين؟ هل الشباب دول هيصنفوا كلامهم وهيخضعوا للرقابة زيى وزى أى مبدع؟ هل روتانا تقدر تمضى مع حد من اللى بيعملوا شيلات فى السعودية ويعملولهم التسويق الكبير اللى بيحصل.
كما أعلن الملحن حلمى بكر، عن رأيه أيضا فى تلك الواقعة حيث قال العملية بقت تجارة وسبوبة وعليه العوض فى الفن للأسف روتانا بتوقع نفسها بما فعلته وبتضيع تاريخها الكبير.
تم أضافة تعليقك سوف يظهر بعد المراجعة