قالت النجمة بشري في تصريح خاص لـ"اليوم السابع"، أن رحيل الفنانة القديرة رجاء الجداوي هو خسارة إنسانية كبيرة قبل أن تكون خسارة فنية، مضيفة أن رجاء كانت صدرها رحب و لديها قدرة على إستيعاب أي شخص وكان صاحبة واجب فى أى عزاء تجد الثلاثى رجاء وميرفت أمين ودلال عبد العزيز و كانوا دائما يجلسون إلي جانب بعضهم البعض.
وأشارت أن رجاء كانت تقول لها "كرسيكى" أهو ويكون هو رابع كرسى بجوارهم وكانت تقول "انا بحسك بنت جيلنا احنا و اخلاقك اخلاق قديمة".
وتابعت بشري، أنها هاتفت رجاء قبل دخولها العناية بيوم واحد وأوضحت "قعدت تكلمنى و أنا محرجة أطول عليها و مع ذلك هى قعدت توصينى أننا لازم نأخد بالنا الموضوع مش هزاروقعدت تدعى للدكاترة و التمريض وكانت شايلة هم تكلفة العلاج على الدولة و تقوللى الأعداد بتزيد و ده حمل على البلد لازم الناس تبقى حريصة".
واستكملت بشري" كانت مش عايزة تقفل التليفون و أنا سامعة صوت نفسها صعب و اقولها اسيبك ترتاحى و هى مصرة تكمل كلام و تدعى وكأنها كانت بتودعنى عشان دى كانت أخر مكالمة بينا".
وختمت بشري حديثها "أكتر حاجة واجعانى أنها عمرها ما فوتت واجب عزاء لحد و يوم لما جت ساعتها الظروف منعتنا أننا نكون جنبها".
وكان جثمان الفنانة الراحلة رجاء الجداوي شيع أمس الأحد من مستشفى أبو خليفة للعزل الصحى بالاسماعيلية وتم دفنها بمقابر البساتين بحضور عدد من الفنانين وعلى رأسهم الدكتور أشرف زكى وإلهام شاهين وميرفت أمين ودلال عبد العزيز وفيفى عبده وبوسى شلبى ومفيدة شيحة وشيماء سيف وزوجها محمد كارتر ومحمد الشقنقيرى ومنير مكرم.
