غازلت الفنانة أنوشكا الإعلامي رامي رضوان، قائلة: "الشياكة فى الصوت المنخفض والرقة والكلام الحلو وليس فى الملابس وأنت كل ده يا رامي".
وأضافت أنوشكا، خلال لقاء خاصة مع برنامج مساء دي إم سي، تقديم الإعلامي رامي رضوان، والمذاع عبر فضائية دي إم سي: "الكلمة الحلوة تطلع الثعبان من جحره"، وتحدثت عن الفنانة الراحلة رجاء الجدواوي قائلة: "رجاء الجداوى رمز الشياكة بالنسبالي".
وعن المرأة المصرية، أكدت أنوشكا أنها اختلفت عن زمان: "المرأة تغيرت لأن مطلوب منها دلوقتى حاجات كتير تعمل وتساعد فى الدخل وفى نفس الوقت تهتم ببيتها وأولادها وزوجها "، مضيفة: كل ماهو قديم وأبيض واسود اتمنى انى أعيش فيه".
وتابعت أنوشكا: أن اتعلمت من أبويا لما تكونى عايزة تعملى حاجه اتعلمى الأول عشان كده اتعلمت إنى اقف على الحاجه بنفسى عشان تطلع زى ما أنا عايزة".
وعن تجربة صالون أنوشكا، قالت: "كرسي المذيع أصعب بكتير من كرسي الضيف لأن لازم يكون حاضر و لابد أن تكون مهتم بكل تفصيله في برنامجك، والمذيعه بالنسبالي ياعنى ليلى رستم ، وسلوى حجازى وكل مذيعه من أيام زمان"، مضيفة: "كنت مرعوبة فى أول يوم وأنا بسجل برنامج صالون أنوشكا واستمتعت بردود الفعل بعد عرضه".
وأردفت: "البرنامج كان صعب لانه كان بيذاع على قناة عربيه مهمة جدا متابعنها من أنحاء العالم ولذلك اشكر dmcلانى ظهرت من خلالها".
وعن الكواليس الطريفه فى برنامج صالون أنوشكا .. قالت: "حلقة الفنان صلاح عبد الله لما فاجأنى و قال لى شعر وحلقة أستاذ سمير غانم كانت دموعى بتنزل من الضحك .. وحلقه حسن الرداد وأميرة كرارة لانه الرداد ارتدى ملابس كاجول رغم أننا طلبنا منهم ملابس كلاسيك فاضطر حسن الرداد اخد حذاء امير كرارة وانا كنت طول الحلقه عايزة اضحك من منظر الحذاء لانه كان كبير".
