أيام عدت كنت فاكرك حبيبة
كنت عايش في دنيا جديدة
دنيا كلها كانت بقربك سعيدة
وياعيني ....لما يجي يوم اللقا
بتبقي كل حاجة فيا.. متشوقة
بسلم بإيدي واطول في السلام
وبفتكره في صحياني ولما أنام
واه علي..... شفايفها في الكلام
وتنهيدة .... صوتها عند الابتسام
فجأة نسيت كل الي بينا والكلام
شفتها مع غيري تحت شجرة الزمان
ساعتها كرهت الذكريات وكل ماكان
وندمت بعدها وجات تفكرني بالمكان
ماعرفش إزاي سامحتها والجرح للنسيان
بعترف حقيقة حبيتها ونسيت الي كان
أول ما جات ومدت ايديها بالسلام
نسيت خيانتها وكل الي جرا والحرمان
رجعتني للدنيا ورجعت لي الاحلام
وقالت لي غلطة انتهت والسلام
وكله بيغلط وبيغفر رب الأنام
تم أضافة تعليقك سوف يظهر بعد المراجعة