مفاهيم كتير مخليانا نحتار
أوقات كمان بيتوه القرار
وجه الوقت إننا نتعلم
ونبدأ بدرس سيدة القطار
درس أمومة علي وطنية
نتعلم منه معني المسئولية
الأم معروفة دايما مدرسة
في الشدة تبان الأم المصرية
الموقف حقيقي بجد عجيب
موظف قطر بتصرف غريب
زعل أخوه اللي بيحميه
ودي أخطر سلبية نشوفها
الناس رد فعلها في وشوشها
ولا حدش فكر يحميه
مع إنه راجع من الحدود
اجازته صغيرة وبكرة يعود
علشان نعيش في أمان
ملتزم بكل التعليمات
لبس وكاب والكمامات
مكنش يصح ده إنسان
ونشوف البطل التاني وهي أمه
اللي اتنفضت بجد وشالت همه
ونقولها أمومة علي وطنية
اللي في جيبها ربنا عالم بيه
في لحظة هي مبخلتش عليه
وبرجولة شالت هي المسئولية
من كل قلبي هشكرها
حقيقي بجد تستاهلها
الكلمة اللي أقدر اقولها
ربنا يخليكي لينا
أما العسكري ده ثبات
استحمل كم السخافات
أهو موقف عدي وفات
حقك بجد علينا
