قال الفنان القدير لطفى لبيب، إنه أعلن فى وقت سابق أنه حاليا شبه معتزل التمثيل، لأن الممثل يجب أن يكون سليمًا بدنيا ، قائلا: "أنا مش سليم، نصى مش سليم، لما أتحرك بتسند على حد".
وتابع خلال حواره فى برنامج "الستات ما يعرفوش يكدبوا"، الذى يُعرض على شاشة "cbc"، مع الإعلاميتين مفيدة شيحة و سهير جودة: "ميفوتش أسبوع إلا لما بنت من بناتى تجيلي، وفيه واحدة عايشة معايا اللى هى الصغيرة كريستينا ، نفسى أجوزها وأفرح بيها قبل ما أموت".
وعلق لبيب، على "مسرح مصر"، قائلا: "محتاجين كوميديا الموقف مش إفيهات مش ألفاظ مش ضرب"، موضحًا أنه يُحب الفنان أشرف عبد الباقى ويعتبره من الفنانين الكوميديين البارعين.
وعبر لبيب عن أمنيته لمقابلة الكينج محمد منير، قائلا: "نفسى أشوف محمد منير ، لو حب يكلمنى هيعرف يجيب تليفوني".وعن أغانى المهرجانات قال: "بناتى بيسمعوا مهرجانات، أول ما اسمعها اقولهم اطفوها، الأغانى دى زى مناديل الكلينيكس استعمال مرة واحدة".
عدد الردود 0
بواسطة:
يوسف محمد
ربنا يفرحك بها وتشوف ولادها
انا بادعيلك وتفرح بها وتشوف ولادها ويعطيك الصحه والعافيه