أشاد الإعلامى عمرو أديب، بالتطوير الذى أجرى في ميدان التحرير، وعلق قائلاً: "الناس اللى عاوزة تدمر دا، مبتكلمش عن سلوكيات المواطنين، أنا بتكلم عن الناس اللى مستهدفانا من برة، واللى عاوزة توقف الكلام ده".
وأضاف أديب خلال تقديمه برنامج "الحكاية"، على فضائية "MBC مصر"، مع الإعلامى، عمرو أديب: "دا معمول لمين؟، عشان كل حاجة يقولك دا معمول للأغنياء"، مردفا:" دا معمول عشان كون فيه لمسة حضارية عشان أنت وأولادك تعيشوا في مكان يليق بيك والبلد وبواحدة من أقدم العواصم في العالم، القاهرة القديمة".
وتابع: "مبنى الخارجية القديم أصبح تحفة معمارية، شيء يفرر ولما أتنور كله مع بعض أصبح حاجة جميلة، حرام الناس اللى عاوزة كل ما نرفع راسنا عاوزين يكفونا على وشنا، مصر هتفضل ماشية في طريقها، ولو فيها مشاكل نتكلم فيها، ولو فيه حاجة عاوزين نغيرها بينا وبين بعضينا، الناس اللى لو عندها مشكلة تولع في البلد، دى دول انتحارية، ومصر دولة لا تنتحر لأن مستقبلها أمامها، البلد دى شافت أيام سودا كتير، ولازم المواطن المصرى ياخد الشىء اللى يستحقه وتعود المدينة لصوابها، وأن تعود المدينة إلى أصولها الطبيعية وتعود لمدينة تضاهى المدن العالمية زى باريس ولندن".
تم أضافة تعليقك سوف يظهر بعد المراجعة