أكد الدكتور عمرو الوردانى، أمين الفتوى بدار الإفتاء المصرية، خلال مداخلة هاتفية مع محمد دسوقى رشدى، لبرنامج "كلمة واحدة" على نغم اف ام، أن هناك 3 قواعد للتعامل مع أسئلة الأطفال، قائلا: "مافيش سؤال مايتجاوبش عليه بمعنى أن تراكم الأسئلة هو اللي بيخلي عقلية الشخص عقلية مهتزة وتخليه فى لحظة من اللحظات يكون عنده سيوله دينية، بمعنى أنه مفيش حد بينكر وجود ربنا، الأمر الثاني لازم مانمنعش الولاد أنهم يسألوا لأن الإجابة الخاصة بالسؤال بتظل محفورة في ذاكرة الأطفال، فلابد أن تكون إجابة واضحة وصريحة، ولما السؤال بيحيرك مش عيب أنك تقول معرفش، وتسأل المتخصصين للرد علي السؤال".
السؤال الدارج حاليا وسط الأطفال "هو مش ربنا بيحبنا ليه يجبلنا كورونا؟"
وأضاف الدكتور عمرو الورداني، أننا لازم نعرف سن الطفل كام لانه بيختلف طفل عنده 7 سنين، عن طفل عنده 12 سنة، ولو السؤال لطفل عنده 7سنين لازم نفهمه أن ربنا مش بيجيب غير كل خير، وأكيد فيروس كورونا بيعلمنا حاجات مثل إزاى نقرب من ربنا، إزاى نفهم طبيعة الموت، وأن كل واحد لية وقت للموت مع اختلاف الأسباب .
وتابع أمين عام الفتوى بدار الإفتاء، كمان الطفل لازم يفهم أن إحنا معندناش موت بمعني الفناء لكن الموتى بيروحوا لحياة تانية".
وأكد الورداني أن الناس اللي ماتت بالكورونا هم شهداء، وهيدخلوا الجنة من أوسع أبوابها، ولازم كل جواب يكون مرتبط أن ربنا بيخاف علينا وأن لازم نحافظ علي حياتنا.
تم أضافة تعليقك سوف يظهر بعد المراجعة