فى استجابة سريعة لتليفزيون "اليوم السابع"، قررت نقابة الأطباء ورجل أعمال التكفل بمصاريف الطالب عماد عسل طالب كلية الأسنان بجماعة الإسكندرية، والذى يعمل على "توك توك" لتغطية مصاريفه الدراسية الباهظة.
عماد عسل، طالب فى كلية طب أسنان جامعة الإسكندرية، من مركز شبراخيت التابع لمحافظة البحيرة، اعتاد على العمل منذ طفولته لمساعدة أسرته وتغطية مصاريفه الدراسية، شاب طموح عصامى رفض القاعدة فى البيت وقرر ينزل يشوف رزقه واستغل على "توك توك" والكثير من المهن المختلفة.
والتقى "اليوم السابع"، بواسطة الزميل "محمد فتحى عغبد الغفار" مع الطالب عماد عسل، والذى بدأ حياته بالعمل كسائق توك توك، منذ مرحلة الإعدادية، عندما رأى أسرته تمر بأزمة مالية، قائلا: "اتعلمت الشغل من إخواتى، لأنهم اشتغلوا قبلى، وأخويا الكبير بيشتغل فى مخبز والأوسط سائق توك توك، وإحنا 3 أولاد وبنت، وأخويا الأوسط هو اللى قرر يشترى توك توك فأمى باعت جزء من نصيبها في الورث علشان تشترى التوك توك ده ومنشتغلش عند حد".
وتابع، "لما وصلت تانية أعدادى اتعلمت السواقة من أخى، وبدأت اشتغل دايما عليه علشان أجمع مصاريف دراستى لانها غالية ومكنش عبء على اخواتى وهما بالفعل بيصرفوا عليا حتى الان وليهم فضل كبير اوى عليا بعد ربنا سبحانه وتعالى".
وسرد عماد كل تفاصيل حياته ودراسته خلال لقائه مع "تليفزيون اليوم السابع"، والمصاعب التى تعرض لها الشاب الذى يدرس فى كلية طب الأسنان بجامعة الإسكندرية، وتفاصيل عن حياتهم الاجتماعية.
تم أضافة تعليقك سوف يظهر بعد المراجعة