قال الفنان أحمد السقا إن الشهرة سهلة ولكن أن تصبح نجماً تأتى بحب الناس، مشيراً إلى أن رأس ماله هو حب الجمهور له، والأمر لا يأتي في يوم وليلة، وإنما يأتي عندما تقدم أعمال جيدة وأن يكون لديك قبول، لأن الكاميرا تصور قلوب وليس وشوش، موضحاً أن ذلك لا يأتى بمشاركتك فى مسلسل أو فيلم.
وأضاف السقا خلال لقائه الإعلامية لميس الحديدي ببرنامج "كلمة أخيرة" الذي يذاع على قناة "on": "فى كداب شاطر، وفي سهل ممتنع، الكداب الشاطر بينجح وبياخد جوائز، لكن السهل الممتنع بيعلم مع الناس، بالإضافة إن الممثل لازم تبقى رجله في الشارع، الناس تقدر تشوفه وتلمسه، الناس فاكرة إننا مش ملموسين، والعزل الفني ده غلط، غلط إن الواحد يعمل لنفسه دائرة مكتوب عليها (ممنوع الاقتراب) أنت لو الناس بتحبك هما اللي هيحموك ويقفوا جنبك وينجحوك".
وقال السقا: "بابا رغم كل المناصب والمكانة اللي كان فيها مكنش في حاجة اسمها عربية الشغل تيجي تاخده، وكان بيقعد في كرسي جنب مكتبه، ولما بسأله أقوله إيه السبب كان بيقولي (مش عاوز أتعود على الكرسي)، وأنا بلعب ماريونيت حتى الآن، وهو حاجة صعبة، الموضوع يحتاج جهاز عصبي في منتهى القوة".
