ناقش برنامج راجل و2 ستات المذاع على قناة on، تقديم الإعلامية شريهان أبو الحسن والفنانة هيدى كرم والفنان أحمد صلاح حسنى، العزوبية والانفصال بعد سن الأربعين.
وقالت الإعلامية شريهان أبو الحسن: "ممكن السنجل يكون عنده مسئوليات متحققة فى الشغل.. وبرضو فيه ناس اتجوزت وربنا مكرمهاش بالعيال.. ومقدرش أقول نحاجى واستقرارى ورضا ربنا على أنه ادانى عيل.. هناك فيه ناس عندهم مشاكل طبية.. اللى وصل لسن الأربعين وصل لمرحلة نضج تجعله متجاوز كل ده ويبقى سلطان زمانى للراجل أو الست كمان".
وعلقت الفنانة هيدى كرم: " اللى دخل سن الأربعين واتجوز وطلق وبقى سنجل غير اللى متجوزشى خالص.. وعن تجربتى فى السنجلة بعد سن الأربعين معنديش معاها أى مشكلة".
وقال الفنان أحمد صلاح حسنى: "اعتقد اللى متجوزشى خالص بيبقى مش عنده تفكير لا فى أولاد ولا أى حاجة.. وممكن الشغل يلهى السنجل بعد سن الأربعين ويسعد الشخص ولكن فى الأخر بتعمل كل ده ليه وعشان مين.. وهناك مرحلة بيبقى الشخص عاوز يدى".
وقالت الإعلامية شريهان أبو الحسن: "كشفت دراسة إنجليزية تم تجربتها بين الراجل السنجل والسيدة السنجل والتى يتراوح أعمارهم من 40 لـ 46 عاما.. وتم قياس الشخص للعمليات الحيوية للرجل وتبين أن الرجالة غير متجوزين سجلوا أسوء تحاليل على صحتهم، ولكن الرجالة المتجوزين صحتهم جيدة وقلبهم رايق، أم السيدات اللى انفصلوا بعد سن الأربعين تبين صحتهم جيدة ولديهم حيوية بكثير غير أن تكون متجوزة".
وعلقت الفنانة هيدى كرم: " لو اخدت القرار سواء راجل أو ست بتكون مقتنع جدا ومش بتمشى ورا مشاعرك ولكن بتاخد القرار بميزان وحسابات الشخص تختلف.. والست بعد الأربعين ممكن قراراتها تختلف وكده ولو فيه جوازه تانية هيكون الجواز لطيف وبيكون الاختيار لهدف، ولو كانت ست هيكون بعد ما حققت أهدافها المادية وقراراتها ثابته على الأرض".
وقال الفنان أحمد صلاح حسنى: "فيه رجالة بتوصل لأربعين مش عاوزين يتجوزوا خالص وإقناعه بيبقى صعب لأنه بعد سن الأربعين هو سيد قراره، ولكن نحاول نقنعه أنه لازم الارتباط عشان يبقى فيه اسرة تكون مهتم بيهم.. والراجل بعد سن الأربعين هو سيد قراره.. والمتجوزين لما بنشوف سنجل بيقروا عليه ".
كشفت الفنانة هيدى كرم عن دراسة اجراها مكتب الإحصاء والاجتماعى الأمريكى وتم تجربتها على 140 عازبا على 30 دولة من مستويات اجتماعية مختلفة والهدف من الدراسة عن السعادة.
وأضافت: "وبينت الدراسة أن 45% لا يشعرون بالسعادة بسبب النظرة الاجتماعية للعازب نظرة مش جيدة وشعور عدم وصولهم لشريك حياتهم".
وقالت الإعلامية شريهان أبو الحسن: "الجواز أو العزوبية مفيش حاجة تحقق فيهم السعادة، ولكن لكل واحدة فيهم فيها المميزات والعيوب".
تم أضافة تعليقك سوف يظهر بعد المراجعة