"أنا هتجوزها" هكذا قرر الفنان أشرف زكى حينما رأى للمرة الأولى الفنانة روجينا، وكشفت روجينا عن كواليس ارتباطهما قائلة: "أشرف لما شافنى قال لصديقه المخرج أحمد شفيق هتجوزها".
وقال أشرف: "عجبنى إنها بنت متربية وجميلة كانت جاية من محافظة الشرقية (دوغرى) وعملت خطة عشان أوصل لها وأروحلها عند البيت".
وعن أول "خناقة" بينهما، قالت روجينا: "أشرف عصبى جدا وبيتعصب باللغة العربية عملنا خطوبة وعزم كل المطربين محمد منير ومدحت صالح وحسن الأسمر، وكل ما أقوم أرقص، يقول لى هو أنتِ مش هتبطلى واتخانق معايا وقال لى أنتِ لا تصلحى ولا تتحملى المسئولية، وتانى يوم جه رمى الدبلة".
وعن دور رامز جلال فى الصلح بينهما قالت روجينا إن أشرف ورامز صديقان منذ فترة طويلة، وكشفت: "كنت مخطوبة لـ أشرف وكل ما نشد مع بعض يجيب رامز معاه يصالحنا".
وعن الغيرة على زوجها، قالت: "أنا مش غيورة خالص أنا لو غرت هقلب حياته جحيم".
تم أضافة تعليقك سوف يظهر بعد المراجعة