سنوات من الألم والعذاب منذ ولادتها.. عاشتها الطفلة سجدة البالغة من العمر 8 سنوات، بعد ولادتها بوحمة كبيرة تغطى كامل منطقة الظهر وأجزاء كبيرة جدا ومتفرقة من الجسم الأمر الذى دفع الطفلة الى خدش هذه الوحمات وتعرض جسمها الى جروح كبيرة .
وتقول الأم باكية، "أنا لفيت ببنتى كل مستشفيات مصر وكل الدكاترة وعملتلها 15 عملية لحد دلوقتى أثرت على بنتى نفسيا وجسمانيا، وتركت آثارا جسيمة على جسدها، وأصبح ظهرها كله مشوها، وكل دكتور بكلمة".
وتابعت، "بنتى عندها عيب خلقى مولودة بيه وخلل في الجينات بتخلى الوحمات تظهر على أماكن متفرقة من الجسم وداخل الوحمات أورام وبالفحوصات اكتشفنا الحمد لله إنها أورام حميدة، وعملت لها 15 عملية لحد دلوقتى علشان أشيل الوحمات، ومش قادرين نعمل لها عمليات تانى أنا ووالدها عملنا اللى علينا ومبقاش فى حاجة بإيدينا".
واستكملت، "أنا كل اللى طالباه دكتور يشوف حالة بنتى ويشخص الحالة صح، إحنا صرفنا اللى ورانا واللى قدامنا على العمليات، ده غير الألم النفسى والجسمانى لبنتى لأنهم في كل عملية بيحطلها بلونة منفوخة تحت الجلد علشان يعزل الجلد اللى فيه وحمة عن الجلد التانى وبعدها يعمل حاجة اسمها مادد أنجسة والبالونة دى مش بتحتاج حركة نهائي للطفل".
واردفت، "الطفل لو اتحرك بالبلونة ديه بتفرقع وبتعمل آثار جانبية مدمرة على الجسم، وأنا بنتى دلوقتى بدأت تخربش في جسمها علشان تشيل الوحمة وبتعور نفسها وبتقولى نفسى أكون زى باقى الأطفال واشيل الحاجات دى من جسمى، والغريب ان الوحمة دى بيطلع فيها شعر كثيف".
تم أضافة تعليقك سوف يظهر بعد المراجعة