"حبيت الفن من فيلم الحذاء الأحمر، وكان نفسى أكون راقصة باليه" بهذه الكلمات روت سيدة المسرح العربي سميحة أيوب قصة دخولها الفن في لقاء مع برنامج كلمة أخيرة.
وحكت سميحة أيوب قصة التحاقها فى بداياتها بالمعهد العالى للفنون المسرحية، وقالت: "زكى طليمات فى اختبار المعهد بص لى بقرف ومكانش عايزنى، لقانى محضرة كويس قال لى: تعالى خدى احفظى النص ده وجيت تانى يوم جاهزة، وأخدت دور البطولة في مسرحية البخيل لـ لومير وكانت المكافأة 6 جنيه في الشهر".
وعن زواجها من محسن سرحان قالت سميحة أيوب: "اتجوزته 3 سنين وقعدت فى البيت وسيبت المعهد وبعد فترة رجعت تانى وزكى طليمات زعل منى جدا".
وردت سيدة سميحة أيوب على سؤال حول إذا جاءها عريس ليطلب يدها قائلة مازحة: "لأ ليه بقي نضحك الناس علينا ليه".
وانتقدت سميحة أيوب سلوكيات بعض فنانى الوقت الحالي، قائلة: "اللى بيعمل مسلسل خلاص بيحس إنه نجم مع إن الزمن غالب، وفنانات جيلى مكانوش بيفكروا فى رموش وشعر كنا بنفكر هنقول إيه للناس وساعدنا مناخ البلد".
تم أضافة تعليقك سوف يظهر بعد المراجعة