أجرى تلفزيون اليوم السابع لقاء خاصا مع الفنانة رنا سماحة من إعداد وتقديم رامى الحلوانى، والتى تطرقت خلاله للعديد من الموضوعات فى حياتها الفنية وأيضا الشخصية.
وحكت المطربة رنا سماحة عن بدايتها وتقديم فى المسابقة الشهيرة "ستار أكاديمى"، وقالت " انا أصلا مكنتش مقتنعة بالموضوع، عشان كنت فاكرة أن كل البرامج ديه بالوسايط وبس، لكن صحابى شجعونى وهما اللى بلغونى بكل المواعيد، ووالدتى ساعدتنى فى الموضوع وقالتلى نروح مش هنخسر حاجة نجرب، روحت فعلا الكاستينج ومكنش وقتها فى دماغى اى حاجة".
وعن استفادتها من التجربة قالت "بقيت صبورة أكتر، لأن جو ستار أكاديمى خلانى أتقبل فكرة أنى أكون تحت ضغط وأشيل مسئولية كبيرة"
وعن أبرز المواقف قالت "من الحاجات الحلوة فى تجربة ستار أكاديمى كانت الفنانة هيفاء وهبى، هى أكتر حد اتعامل معايا كويس، وشجعتنى من أول مقابلة بينا، هى إنسانة روحها حلوة أوى، كانت بتدعمنى بطريقة أنا كنت مستغرباها".
أيضا تحدثت رنا سماحة عن أصحابها، وقالت "الناس الفيك فى حياتى كتير طبعا الفترة ديه، لكن فى النهاية أنت فاهم مين داخل حياتك، وأصحابى القريبين لسه موجودين وهما من بره الوسط الفنى، من أيام ما كنت فى ثانوى".
وعن الدويتو مع مينا عطا أكدت أنها تربطها بمينا عطا علاقة صداقة من قبل البرنامج، كما أشارت سماحة إلى الأغنية الجديدة "حبيب مامى" وقالت أنها هتنزل خلال أيام.
