طرح المطرب الشعبى أحمد شيبة، أحدث أغانيه بعنوان "شيبة صعيدى" التى أداها باللهجة الصعيدية، عبر يوتيوب، وهى من كلمات رضا المصرى، ألحان فارس فهمى، توزيع أشرف البرنس.
وتقول كلمات الأغنية: "زينة الرجال الأدب وللأدب علامات.. واللى معاه الأدب تلقاه يسيب علامات، سألو ديابة الخلى عن جبلى ورجالو.. قالو اللى جه فى سكتهم من قبل ما يعيش مات.. زينة الرجال الأدب وللأدب علامات، من قال أنا متخلقكش لسه اللى قلبه كده مقويه.. والجدعنة واخدها ورثة و اللى يماشيك بالروح تفديه، رجولة الكل يشهدلك ورثت المرجلة عن أبوك.. تحب الكل من قلبك عاشه اللى على الأدب ربوك، لا يوم عديت على حرمه بيت ولا جيت على حد أضعف منك.. حقانى يا كبير قلبك فيه خير.. لو وسط النار ولا بيهمك ولا يوم عديت على حرمه بيت.. شيبه صعيدى وجده صعيدى.. كلمته واحده أبرك من العد، واللى مصاحب حد صعيدى يبقى مصاحب راجل جد، عمرك شفت فى مره صعيدى راح لحد وقالو يا سيدى.. يقولك أموت والا أمدش ايدى، عمره ما يرمى بلاه على حد بالفعل و مش قواله.. عايز تعرفنا تعالى وهنوصلك رسالة، عندنا مليون دليل إحنا ملوك النزاهاة، والكل بينا بيتباها فى العلم وفى النباهة متلقناش مثيل".
وانتهى مؤخرًا المطرب الشعبى أحمد شيبة من تسجيل أغنيتين على طريقة الفيديو كليب، أولهما "أنا مش فاضيلكم"، من كلمات الشاعر رضا المصرى، والملحن فارس المصرى، وتوزيع طه الحكيم.
والأغنية الثانية "من كتر يا دنيا"، من إخراج بتول عرفة، ومن المقرر أن يتم طرح الأغنيتين علي فتره متباعدة بموسم الصيف الحالي علي يوتيوب.
تم أضافة تعليقك سوف يظهر بعد المراجعة