قالت الفنانة هند عاكف عن ظهورها بمهرجان القاهرة بزى فرعونى: أنا رجعت الفن ورجعالكم وهنخدم البلد برضه من خلال الفن.
وأضافت خلال مداخلة مع الإعلامى محمد الباز ببرنامج آخر النهار المذاع على قناة النهار: أنا قولت عاوزة أعمل إطلالة جديدة وأنا بقالى فترة مش بحضر مهرجانات، وما كنتش اعرف ميعاد افتتاح طريق الكباش وكنت عاوزة اطل بحاجة حلوة وهى كانت صدفة الاتنين مع بعض مع افتتاح طريق الكباش، وانا قولت أعمل مزج ما بين الحضارة الفرعونى واللى احنا فيه دلوقتى وكنت عاوزة اعمل كليوباترا.
وتابعت: زملائى في المهرجان كانوا مبسوطين جدا، وفى ناس افتكرتنى أجنبية وأول ما دخلت على الريد كاربت كنت حاسة إنى ملكة على الريد كاربت، وكثير من الناس طلبت تتصور معايا وفى تعليقات كانت جميلة جدا جدا وفى ناس كانت بتقول إنى هربانة من المتحف وانا بشكرهم كلهم .
تم أضافة تعليقك سوف يظهر بعد المراجعة