أسرار فى حياة المطرب اللبنانى عاصى الحلانى، كشفها خلال لقائه في برنامج "السيرة" للإعلامية وفاء الكيلانى، على قناة Dmc، وتحدث خلال الحلقة عن عمله في طفولته وعن والديه.
وقال: "اسمى الحقيقى محمد وهذا الاسم لم أنزعه من داخلى وعايش معى وموجود بكل أوراقى وكل حياتى وبالأخص بينى وبين عائلتى، ولما بفتكر والدى ووالدتى بتذكر هذا الاسم لأنهم فضلوا يندهوا عليا به، واسم عاصى ظل معى بحكم انه اسم الشهرة".
وعن أسرته قال عاصى الحلانى: "احنا 13 أخ وأخت ويمكن ده لأن أيام زمان كل عيلة بتتمنى أن يكون عندهم ولد، وأهلى أنجبوا في الأول 8 بنات، وكان الوالد مصمم لسبب آخر أيضا وهو أنه كان وحيد وعائلة والدى مش عائلة كبيرة وعندى عمتين فقط، فكان عاوز يعمل عائلة كبيرة وأنا رقم 11 في إخواتى".
وقال الحلانى، خلال الحلقة: "أول مرة اشتغلت كان عندى وقتها 15 سنة واشتغلت حلوانى بس محبتهاش وفضلت فيها شهرين او 3 شهور وبعدين غيرت وروحت اشتغلت صبى نجار، وفضلت فترة طويلة النجارة وبقى عندى خبرة في الموضوع، يمكن الموضوع كان هواية كمان لأنى كنت بحب أصلح الحاجات في البيت ومسمينى في البيت المخترع عشان أي حاجة تخرب بحاول أصلحها، وحتى الان عندى شنطة كبيرة فيها كل الأدوات والمعدات عشان لو عاوز اصلح شيء في البيت".
تم أضافة تعليقك سوف يظهر بعد المراجعة