علق الحاج كرم السني، الذى قابل الرئيس عبد الفتاح السيسي بورش صناعة الفخار بمصر القديمة، على زيارة رئيس الجمهورية بالقول: "أنا من ساعة ما شفت الرئيس السيسي رجعت كأني ابن 15 سنة".
أضاف السني، في لقائه مع الإعلامي عمرو خليل، ببرنامج "من مصر" عبر قناة CBC: "الرئيس السيسي أول رئيس في تاريخ 4 رؤساء يدخل قرية الفواخير ويشرفها وينورها، وهو لما بيمشي محروس من ربنا".
وتابع الحاج كرم السني: "أنا حياتي كلها جوه المصنع، بنام وبصحى على الشغل، وفجأة رنوا عليا ولأنا نايم قالولي رئيس الجمهورية عندنا، فقمت من النوم لقيت رئيس الجمهورية وكانت معجزة بالنسبالي، وأنا مش عايز أي حاجة من الدنيا تاني بعد ما شفت رئيس الجمهورية".
وأكمل: "أنا طلبت من الرئيس الغاز والميه في المصنع، علشان محتاج للمصنع علشان أكل عيش، وأنا شغال من سنة 63 في الفخار، ومش عايز أمد إيدي وأصنع وأعلم أجيال قبل ما أموت".
تفقد الرئيس عبدالفتاح السيسى ظهر أمس الجمعة، عددًا من مشروعات تطوير القاهرة الكبرى، وما تتضمنه من طرق ومحاور وكبارى، وكذا مشروع تطوير القاهرة التاريخية ومتابعة تنفيذ مخطط إعادتها إلي رونقها الحضاري لما تحتويه من إرث تاريخي عريق، ومن ثم تحويلها إلي مقصد سياحي متطور يتسم بطابع حضاري معماري حديث ومتكامل الخدمات، والتقى الرئيس عددا من المواطنين والعاملين فى الورش الفخار بمصر القديمة خلال لقاء ساده الود وجبر الخواطر من قبل الرئيس للعاملين بالورش.
وعن تطوير المناطق العشوائية: "ما حدش في تاريخ مصر استجرى يشيل بطن البقرة، والرئيس السيسي عملها وبنى عماير محترمة للأهالي، ومفيش طفل بيتنقل من مكانه غير على مكان تاني".
