"بشتغل بائع فسيخ ورنجة عشان الشغل مش عيب ودى مهنة أبويا وأجدادى يعني مهنة وراثة أبا عن جد وفي نفس الوقت انا خريج كلية أداب قسم اجتماع" بهذه الكلمات بدأ مصطفي يروي تفاصيل حكايته مع مهنة بيع الفسيخ.
وقال مصطفي الحمادي لـ"اليوم السابع" انا شغال في الفسيخ والشغل مش عيب بعد ما خلصت دراستي بكلية الآداب قسم اجتماع قررت أن اشتغل في مهنة أجدادي ووقفت أبيع الفسيخ والرنجة والناس كلها بتشجعني وتدعمني وبنصح كل شاب حتي لو خريج جامعة يشتغل ويحقق حلمه في أي مهنة يكون بيحبها ميقولش أنا معايا مؤهل عالي وميتكبرش علي الشغل.
وأضاف مصطفي الفسيخ أكلة فرعونية من قديم الزمن والناس كلها بتحبها وعشان كدا انا ابتكرت سندوتشات للأكيلة وعشان أي حد يعرف يشتري الفسيخ والرنجة اول حاجة لازم يتأكد من مكان موثوق فيه يشتري منه ويشوف جودة الفسيخ من خلال تماسك السمكة ولونها .
تم أضافة تعليقك سوف يظهر بعد المراجعة